Պատերազմի հետևանքով Ստեփանակերտում ավելի քան 100 շենք է վնասվել․ ԱԻՊԾ
Պատերազմի հետևանքով Ստեփանակերտում ավելի քան 100 շենք է վնասվել։ Այս մասին հայտարարել է Արցախի Արտակարգ իրավիճակների պետական ծառայության աշխատակից Հունան Թադևոսյանը։
Նրա խոսքով՝ սրանք նախնական տվյալներ են, հաշվարկը շարունակվում է եւ ոչ միայն մայրաքաղաքում, այլև բոլոր բնակավայրերում, որոնք գնդակոծության են ենթարկվել։
«Աշխատանքները կատարվում են Արտակարգ իրավիճակների պետական ծառայության, քաղաքաշինության նախարարության, Ստեփանակերտի քաղաքապետարանի եւ Ռուսաստանի ԱԻՆ ուժերով։
Վնասի հաշվարկն ավարտելուց հետո կսկսվեն վերականգնողական աշխատանքները, այդ թվում՝ Ռուսաստանի մասնակցությամբ, որը նյութական օգնություն կցուցաբերի»,- նշեց նա։
Հիշեցնենք, որ սեպտեմբերի 27-ին Ադրբեջանի ԶՈՒ-ն, կոպտագույն կերպով խախտելով միջազգային հումանիտար իրավունքի եւ հակամարտության կարգավորման խաղաղ բանակցային գործընթացի տրամաբանությունը, կիրառելով հրթիռահրետանային միջոցներ եւ ավիացիա, հարձակման է անցել շփման գծի ամբողջ երկայնքով՝ թիրախավորելով Պաշտպանության բանակի մարտական դիրքերը եւ Արցախի ու Հայաստանի խաղաղ բնակչությանը։
Ռազմական գործողություններն ավարտվել է նոյեմբերի 9-ին Հայաստանի, Ադրբեջանի եւ Ռուսաստանի ղեկավարների հայտարարության ստորագրմամբ։