«Գնալով ավելի ու ավելի է վատանում». Բիանկա Ցենսորիի ծնողները անհանգստանում են նրա համար՝ թափանցիկ վերնազգեստով հայտնվելուց հետո

Քանյե Ուեսթի կնոջ՝ Բիանկա Ցենսորիի ծնողները անհանգստացած են նրա համար այն բանից հետո, երբ նա հայտնվել է թափանցիկ թիկնոցով, որը խախտում է օրենքը, և կարծում են, որ ռեփերը նրան թակարդի մեջ է գցել՝ անսահմանափակ բիզնես հնարավորությունների խոստումներով: Showbiz-ի փոխանցմամբ՝ այս մասին գրում է Daily Mail-ը՝ ինսայդերներին հղումով։

«Նրա ընտանիքը և ընկերները վրդովված են, քանի որ իրավիճակը գնալով վատանում է: Բիանկան ակնհայտորեն չի գիտակցում, որ այն, ինչ նա հագել է, ոչ միայն զզվելի է և վատ օրինակ է ծառայում, այլև պոտենցիալ խախտում է օրենքը», – ասում է ինսայդերը: Իսկապես, Կալիֆորնիայում կա օրենք, ըստ որի՝ արգելվում է մերկ հայտնվելը հասարակական վայրերում։

«Միևնույն ժամանակ, Քանյեն պարփակված էր հագուստի հինգ շերտով, և երբ նրա կինը սառը, մերկ և պլաստմասի մեջ փաթաթված տեսք ուներ, նա նույնիսկ իր թիկնոցներից մեկը նրան չառաջարկեց», – ավելացնում է ինսայդերը:

Ծնողների խոսքով, դա ամբողջովին տարբերվում է իրենց դստեր սովորական պահվածքից, և եթե նա թույլ է տալիս, որ իր հետ այդպես վարվեն, ապա նրանց հարաբերություններում ինչ-որ բան այն չէ։ Նրանք ենթադրում են, որ Քանյեն կարող էր նրան ինչ-որ բան առաջարկել։ «Նրա ծնողները շատ վրդովված են դրանից, քանի որ չեն ճանաչում նրան: Նա դա չէր անի, եթե իրեն չվերահսկեին: Երգիչը շարունակում է նրան փակ պահել՝ տալով նրան ավելի ու ավելի շատ բաժնետոմսեր և սեփականության իրավունքներ տարբեր ոլորտներում, նախագծեր, որոնց վրա նա աշխատում է, ներառյալ հագուստի արտադրությունը»:

Սա առաջին դեպքը չէ, երբ Բիանկայի ծնողները, որոնք, ի դեպ, կապված են մաֆիայի հետ, մտահոգություն են հայտնում իրենց դստեր սիրավեպի վերաբերյալ։ Նրանք անհանգստացած էին, որ նա Բիանկայի հետ ամուսնացել է 2022 թվականի դեկտեմբերին՝ Քիմ Քարդաշյանից պաշտոնական ամուսնալուծությունից ընդամենը մեկ ամիս անց։ Բաժանումը սկանդալային էր, և, ըստ Բյանկայի ծնողների, իրենց դուստրը պարզապես ելք է դարձել երաժշտի համար: Քանյե Ուեսթը ոչ միայն հագցնում է Բիանկային սադրիչ զգեստներ, այլև արգելում է նրան օգտվել սոցիալական ցանցերից։ Եվ երբ վերջերս լրագրողը նրան հարցրել էր, թե արդյոք իր կինը ունի «իր սեփական կամքը», ռեփերը զայրացած խորհուրդ էր տվել իր փոխարեն Քիմից հարցնել երեխաների խնամակալության հետ կապված խնդիրների մասին։