Մոդրիչը կհեռանա՞ Ռեալից. նոր մանրամասներ

Մադրիդի «Ռեալի» 39-ամյա խորվաթ կիսապաշտպան Լուկա Մոդրիչը ցանկանում է հեռանալ ակումբից մրցաշրջանի ավարտից հետո։ Այս մասին սոցցանցերում հայտնում է իսպանացի լրագրող և ինսայդեր Խոսե Ֆելիքս Դիասը։

Աղբյուրի համաձայն՝ Մոդրիչը չի պատրաստվում ավարտել կարիերան մադրիդյան ակումբից հեռանալուց հետո. ֆուտբոլիստը նախատեսում է ևս մեկ մրցաշրջան անցկացնել:

Մոդրիչը «Ռեալում» է հանդես գալիս 2012 թվականից։ Այս մրցաշրջանում խորվաթ կիսապաշտպանը բոլոր մրցաշարերում անցկացրել է 20 հանդիպում, որոնցում դարձել է երեք գոլային փոխանցման հեղինակ։

Ֆուտբոլիստի պայմանագիրը «Ռեալի» հետ ուժի մեջ է մինչև 2025 թվականի հունիսի վերջը։ Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 6 միլիոն եվրո, փոխանցում է Armsport-ը։