Ջրանջատումների մասին բողոքներ եմ ստանում, պատճառը ո՞րն է․ Ավինյան

Ես պարբերաբար ջրանջատումների վերաբերյալ բողոքներ եմ ստանում, պատճառը ո՞րն է, և արդյո՞ք վթարային ջրանջատումների քանակը նորմայից ավելի է եղել։ Գործակարգավարական խորհրդակցության ժամանակ հետաքրքրվեց փոխքաղաքապետ Տիգրան Ավինյանը։

Պատասխանատուներն արձագանքեցին, որ ջրանջատումների պատճառը մաշված խողովակներն են։

«Վեոլիա ջրի» հետ կապված խնդիրներից խոսելուց հետո Ավինյանն անցավ աղբահանությանը։

Փոխքաղաքապետի խոսքով՝ աղբատար մեքենաների պարկը բավարար է ամբողջական աղբահանության խնդիրը լուծելու համար։

«Ակնկալում եմ, որ հաջորդ երկուշաբթի այլևս որևէ ահազանգ չպետք է ունենանք աղբահանության հետ կապված»,- հավելեց նա։

Բացի այս, Տիգրան Ավիյանը նշեց, որ քաղաքապետարանի խնդիրն է լայնածավալ ծրագրեր իրականացնելիս ապահովել շինարարական աշխատանքների գրագետ կառավարումը:

«Զգուշացնող նշաների տեղադրման հետ կապված որոշակի աշխատանքներ արված են, բայց կարծում եմ՝ ոչ բավարար չափով. 1-2 տխրահռչակ տեսանյութ են ինձ ուղարկել, որտեղ էլի ավտոմքենան ընկնում է փոսը, ինչը նշանակում է, որ զգուշացնող նշաները շատ ավելի վաղ պետք է տեղադրվեն»,-հայտարարեց նա։