Էլբրուսում փրկարարական աշխատանքները պատկերող տեսանյութ է հրապարակվել

RT հեռուստաալիքը տեսանյութ է հրապարակել Էլբրուսից, որտեղ վերելքի ժամանակ հինգ լեռնագնաց է մահացել: Ինչպես ավելի վաղ հայտնի էր դարձել Եվրոպայի ամենաբարձր գագաթը հաղթահարելիս 19 լեռնագնացից բաղկացած խումբը հայտնվել է ուժեղ ձնաբքի տակ, որից հետո օգնության է դիմել: Ժամանած փրկարարներին հաջողվել է 14 մարդու կյանք փրկել:

Որոնողական աշխատանքներն իրականացվել են 5000 մետրից ավել բարձրության վրա: Տեսանելիությունը կազմել է 1 մետր, քամու արագությունը՝ 40-70մ/վայրկյան, ջերմաստիճանը՝ -20՝ ըստ Ցելսիուսի:

Փրկարարական աշխատանքներին 69 մարդ է մասնակցել և 16 միավոր տեխնիկա: Եղանակային պայմանները կտրուկ վատթարացել են սեպտեմբերի 23-ին: