«Հանգիստ հլը». Երեկ ԱԺ-ում Արամ Վարդևանյանի հարցից հետո մթնոլորտը կրկին թեժացավ (Տեսանյութ)

Ինչպես արդեն նշել էինք, երեկ շատ լարված օր էր ԱԺ-ում:

Ընդմիջման ժամանակ Սեյրան Օհանյանը և Ալեն Սիմոնյանը վիճաբանել են

«Հայաստան» խմբակցության պատգամավոր Արամ Վարդևանյանի՝ վարչապետ Նիկոլ Փաշինյանին ուղղված հարցից հետո Ազգային ժողովում մթնոլորտը կրկին թեժացել էր։

Վարդևանյանը, ի պատասխան Նիկոլ Փաշինյանի ելույթին, նշեց, որ ժողովուրդը իրավական գործընթացների վերաբերյալ կարող է միայն գնահատականեր տալ, սակայն դատավճիռներ կայացնել չի կարող։ Բացի այդ Արամ Վարդևանյանը հիշատակեց 5 միլիարդի մասին, որն ըստ տեղեկությունների, Ադրբեջանի նախագահ Իլհամ Ալիևը խոստացել էր տալ Նիկոլ Փաշինյանին։

Հարցից հետո խորհրդարանում իշխող խմբակցության պատգամավորները սկսեցին գոռալ, ինչին ի պատասխան Փաշինյանն ասաց․ «Հանգիստ հլը», և ինքն էլ գոռալով արձագանքեց հարցին․

«Շատ ճիշտ կանեք, որ այդ միլիարդների մասին ձեր վստահորդի հետ խոսեք։ Այնտեղ մարդ կա, թող գա հինգ միլիարդի մասին ասի, վկայություն ու ցուցմունք տա։ Բա որ ժողովուրդը չի կարող որոշում կայացնել, ինչո՞ւ էիք 300 հոգով գնդակահարության ու կախաղանի որոշումներ կայացնում։ Ժողովուրդը կարող է որոշում կայացնի և կիրագործի այդ դատավճիռը։ Ձեր գնդակահարության տեսարանները, երբ որ կայացնում էիք այդ ժամանակ հիշեիք՝ ժողովուրդը կարող է որոշում կայացնել, թե՝ ոչ։ Միլիարդների մասին գնա վստահորդիդ հետ խոսա։ Ես դեռ կանդրադառնամ վստահորդիդ միլիարդներին»։

Փաշինյանի պատասխանից հետո էլ դեռ որոշ ժամանակ մթնոլորտը չէր հանգստանում։ Ազգային ժողովի նախագահ Ալեն Սիմոնյանը նախազգուշացում տվեց «Հայաստան» խմբակցության պատգամավոր Արմենուհի Կյուրեղյանին տեղից խոսելու համար։

Տեսանյութ, թե ինչպես են ՊՊԾ պետն ու մյուս աշխատակիցները հրմշտում ընդդիմադիրներին

ՀՀ-ում բռնության քարոզն ու ատելության մթնոլորտն ունեն մեկ աղբյուր՝ «Քաղաքացիական պայմանագիրն» է Նիկոլ Փաշինյանի գլխավորությամբ․ ԱԺ ընդդիմադիր խմբակցությունների հայտարարությունը

Հարված ստացա ոտքերիս, ճակատիս, պատռվել է վերնաշապիկս. սա պետք է ընդունվի որպես հանցագործության մասին պաշտոնական հաղորդում. Արծվիկ Մինասյանը՝ ԱԺ-ում տեղի ունեցած քաշքշուկի մասին