на Русском
Ձեռնոց նետենք տգիտությանը, 2025 թվականը հայտա... 
Լարված իրավիճակ՝ Վրաստանում. բախումներ են ըն... 
Ամուլսարն ամեն գնով բացելու են. «Հրապարակ»
«Հրապարակ» թերթը գրում է.
«Նկատո՞ւմ եք` «Լիդիանը» խիստ ակտիվացրել է փիառ-կոմպոնենտը, նկարահանված ռոլիկները, որոնք արձանագրում են, որ Ամուլսարի՝ շրջակա միջավայրին պատճառելիք ռիսկերը խիստ կառավարելի են, պտտվում են նոն-ստոպ ռեժիմով. թերեւս նկատել եք նաեւ, որ քաղակտիվիստները, այսպես ասած` սորոսականները, դրսի հրահանգով հետ են քաշվել, մնացել է տեղացի պայքարողների փոքր խումբը` Ջերմուկից ու Գնդեվազից, որոնք ցայտնոտի մեջ են»,- ասաց մեր աղբյուրը:
Որքա՞ն ժամանակ է, ինչ սորոսականները հետ են քաշվել։ «Մոտ 15 օր կլինի»: Ինչո՞ւ։ «Իշխանությունների հետ դրսի ինվեստորները վերջնական «իտոգի» են եկել հանքը շահագործելու հարցում․ իշխանությունն ասել է` մենք դեմ չենք, դուրս մղեք ակտիվիստներին, նախորդ գիշերվա դեպքերը դրա «ապրոբացիան» էին՝ «Լիդիանը» փորձեց իր աշխատողներին մտցնել տարածք, ոստիկանները եկան-կանգնեցին մեջտեղը։
Փորձեր էլի կլինեն, ընդ որում՝ դարձյալ գիշերով»: Կարո՞ղ է հանգեն բախումների: «Չգիտեմ, կարծում եմ` ամեն գնով բացելու են»: Ո՞վ է շահում դրանից՝ նախագահ Արմեն Սարգսյա՞նը։ «Չեմ կարծում»։ Այդ դեպքում ո՞րն է իշխանությունների շահը։ «Բյուջեն դատարկ է՝ «Լիդիանը» լուրջ հարկեր մուծող ընկերություն է»:
Առավել մանրամասն՝ թերթի այսօրվա համարում:
