на Русском
Ձեռնոց նետենք տգիտությանը, 2025 թվականը հայտա... 
Լարված իրավիճակ՝ Վրաստանում. բախումներ են ըն... 
Փաշինյանը որոշել է վերադառնալ Վիեննա-ժնև-Սանկտ Պետերբուրգ պայմանավորվածությունների՞ն. «Հրապարակ»
«Հրապարակ» թերթը գրում է.
«Նիկոլ Փաշինյանը, կառավարության վերջին նիստում խոսելով արցախյան հարցի մասին, խոսել էր նաև հակամարտության շփման գծում մոնիտորինգի մեխանիզմների կիրառման մասին, որից հրաժարվել էր պաշտոնն ստանձնելուց անմիջապես հետո։
Շատերի մոտ տպավորություն է ստեղծվել, թե նա որոշել է վերադառնալ Վիեննա-Ժնև-Սանկտ Պետերբուրգ պայմանավորվածություններին, որոնք ձեռք են բերվել Սերժ Սարգսյանի ժամանակ։
Դեռ 2016-ից հետո որոշվել էր տեղորոշիչ սարքեր տեղակայել, որ հնարավոր լինի արձանագրել, թե ով է առաջինը կրակել: Ի դեպ, նախորդ օրը «Ազատություն» ՌԿ-ի համառ հարցերին, թե խոսքը Ժնև-Սանկտ Պետերբուրգ-Վիեննա պայմանավորվածությա՞նն է վերաբերում, ԱԺ արտաքին կապերի հանձնաժողովի նախագահ Ռուբեն Ռուբինյանը, քանիցս շրջանցելով հարցը, ասել էր` վերաբերում է ուղիղ կապին:
Մենք ԱԳՆ խոսնակ Աննա Նաղդալյանին հարցրինք՝ խոսքը Ժնև-Վիեննայի մասի՞ն է։ «Մենք բազմիցս հայտարարել ենք և շարունակելու ենք պնդել, որ սահմանամերձ միջադեպերը կանխելու համար պետք է ներդրվեն ռիսկերի նվազեցման մեխանիզմներ, այդ թվում և տեղերում միջազգային դիտորդների թվի ավելացում և նրանց մշտական տեղակայում, ինչպես նաև ուղիղ կապ և հրադադարի ռեժիմի խախտումների հետաքննության մեխանիզմների ներդրում»,- ասաց նա:
Ինչպես տեսնում ենք` ոչ մի խոսք Սանկտ Պետերբուրգ-Ժնև-Վիեննա պայմանավորվածություններին վերադարձի մասին»:
Առավել մանրամասն՝ թերթի այսօրվա համարում:
