Վթար Մյասնիկյան պողոտայում (լուսանկարներ)

Ինչպես արդեն  Operativ.am  տեղեկացրել էր Երևանում, այսօր՝ հոկտեմբերի 25-ին, խոշոր ավտովթար է տեղի ունեցել. ժամը 07։40-ի սահմաններում 62-ամյա Միքայել Ա.-ն իր վարած КамАЗ մակնիշի 70 RR 909 համարանիշի ավտոմեքենայով Մյասնիկյան պողոտայից դեպի Հերացի փողոց իջնելիս դուրս է եկել ճանապարհի երթեւեկելի գոտուց, բախվել Աբովյան պուրակ և Հերացի փողոց ճանապարհի բաժանարար գոտում տեղադրված բետոնե արգելապատնեշներին, պոկել նրանք և կողաշրջվել։

Shamshyan.com-ի փոխանցմամբ, վթարի հետևանքով, բարեբախտաբար, զոհեր ևվիրավորներ չկան։

Ճանապարհային ոստիկանները մեծ դժվարությամբ են հետաքրքրասեր վարորդներին հեռացնում դեպքի վայրից, քանի որ շատ վարորդներն էլ, ղեկը թողած, հեռախոսներով նկարում են կողաշրջված КамАЗ-ը։

Վթարի մասին տեղեկությունը փոխանցվել է «Սանիթեք» ընկերությանը, որ դեպքի վայր ժամանեն «Սանիթեք»-ի աշխատակիցներն ու հատուկ լուծույթով ու ջրով կատարեն ճանապարհի լվացման աշխատանքներ։