Ձայնագրությունը Youtube է ներբեռնվել սեպտեմբերի 5-ին, հրապարակվել՝ հինգ օր անց․ հայտնի գաղտնալասման հետքերով (լուսանկարներ)

Ուշադրություն դարձրեք, գաղտնալսված ձայնագրության "բնօրինակը" յութուբ է ներբեռնվել սեպտեմբերի 5-ին, բայց ակներեւաբար, փաբլիք է դարձել այսօր, կեսօրին մոտ: Այս մասին գրում է Facebook - ի օգտատեր Հակոբ Կարապետյանը։

«Առաջինը նույն ալիքից տեսանյութը կայքում տեղադրել է 168.am-ը (13.30), դրանից հետո՝ *Politik.am-ը (13:39), Yerkir.am-ը (13.48), Iravunk.com-ը (13.52), Lurer.com-ը (14.01), Tert.am-ը (14,31), Para TV-ն և այլք; Ընդ որում, եթե փաստացի սկզբնաղբյուր 168-ը կայքում տեղադրել է հենց բնօրինակ ալիքի տեսանյութը, ապա մնացածները, հիմնականում, ներբեռնել են ու յութուբում հրապարակել են իրենց ալիքներով:

Իսկ բնագրի ալիքը, ինչպես ենթադրելի է, դասական ֆեյք է. broska333 անունով ալիքում ընդամենը երեք տեսանյութ կա բեռնված: Առաջինը բեռնվել է 2011-ի մարտի 21-ին, երկրորդը՝ 2012-ի մարտի մեկին, երրորդն էլ սա է: Առաջին երկուսը ինչ-որ անհասկանալի երաժշտական կլիպեր են», - նշում է Կարապետյանը:

Ըստ էության ձայնագրությունը պատրաստել ու ներբեռնել են վարչապետ Նիկոլ Փաշինյանի՝ Մոսկվա այցից առաջ։ Հրապարակել, այն է՝ հրապարակային դարձրել նրա այցից հետո։

Facebook-ում նաև վարկածներ են շրջանառվում, որ գաղտնալսումը կարող են իրականացրած լինել ռուսաստանյան հատուկ ծառայությունները։ Այդ վարկածի կոմղնակիցները մատնացույց են անում այն հանգամանքը, թեպետ խոսակցութւյունը տիտրերով թարգմանվում է անգլերեն, սակայն տեղ-տեղ բառերը գրվում են ռուսերն լեզվի տրամաբանությանը հաամահունչ։

Օրինակ՝ Սահակյան – Саакян – Saakyan, Հարությունյան – Арутюнян – Arutyunyan, Հրաչ – Грач – Grach, Վահե – Ваге – Vage. Բոլոր բառերում անգլերեն H տառը չի գրված, քանի որ այն ռուսերենում չկա։