Ռուս-թուրքական զուգապարը տխուր վախճան է ունենալու

Արևմուտքը Նիդերլանդների վարչապետ Մարկ Ռյուտտեի հայտարարությամբ ցուցադրեց իր բացասական վերաբերմունքը Ռուսաստանում Էրդողանի մենահամերգներին։ Վստահ եմ, որ ԱՄՆ-ը քրդերի ձեռքով կստիպի, որպեսզի Էրդողանը բազմիցս անիծի այն պահը, երբ Պուտինին անվանեց «Мой дорогой друг Путин»:

Չինաստանը ույգուրներից զզված է ու Ռուսատանին անպայման կհասկացնի, թե ինչ վտանգ են ներկայացնում նրա համար իր մուսուլման բնակչությունը և Միջինասիական թուրքալեզու ռուսական արտադրության երկրները։ Էրդողանին թվում է, որ ինքը Աթաթուրքի հնարքները բանեցնելով կարող է Արևմուտքին պարտադրել մեծ զիջումների հօգուտ Թուրքիային։ Սակայն նա մոռանում է, որ խաբեության ցանկացած հնար միայն մեկանգամյա գործածության համար է պիտանի։

Ռուս-թուրքական հնարավոր մերձեցումը նաև Իրանի հարգելի Այաթոլային դուրեկան չպիտի լինի։ Այաթոլան Էրդողանին իր բոլոր մանր խորամանկություններով հանդերձ կտանի ծովը և ծարավ ետ կբերի ու այն էլ բազմակի անգամներ։  Ռուսաստանը իր կենսափորձով և կերած պատմական բողկերի մրմուռը հիշելով արդեն հասկացել է, թե ով է Թուրքիան և հազիվ թե Թուրքիայի դամքյաշը դառնա։

ԱՄՆ-ը զբաղված լինելով իր նախագահական ընտրություններով և նրան հաջորդած անհարթություններով մի պահ աչքաթող է արել Թուրքիային։ Հիմա անպայման նա Էրդողանին պիտի մի երկու դաստիարակչական ապտակներով ետ վերադարձնի ի շրջանս խելամտաց։

Այնպես որ, թատրոնը մեկ արարով չպիտի ավարտվի, դրամատիզմը սովորաբար վերջին ու վճռորոշ արարում է տեղակայված լինում, որպեսզի հանդիսատեսը հոտնկայս ծափահարի տեսածի տպավորիչ ազդեցության ներքո։ Սպասենք հաջորդիվ։

Չվախենաք, ռուս-թուրքական զուգապարը տխուր վախճան է ունենալու։

Համլետ Աբրահամյան. Ֆեյսբուք