Մոսկվայում ձերբակալվել է «օրենքով գող» Շաքրո Մոլոդոյը (տեսանյութ)

Մոսկվայում ձերբակալվել է ամենաազդեցիկ և հայտնի «օրենքով գողերից» մեկը՝ Զախարի Կալաշովը, ով հայտնի է Շաքրո Մոլոդոյ մականունով: Այս մասին գրում է Lenta.ru-ն՝ հղում տալով «Росбалт»-ին և իրավապահ մարմինների տարածած հաղորդագրությանը:

Ըստ աղբյուրի՝ Շաքրո Մոլոդոյը ձերբակալվել է հուլիսի 11-ին՝ իրավապահ մարմինների կողմից իրականացրած հատուկ գործողության ժամանակ: 

Կալաշովին համարում են ռուսական հանցավոր աշխարհի առաջնորդներից մեկը: Երեք տարի առաջ նա զբաղեցրել է սպանված քրեական հեղինակություն Ասլան Ուսոյանի` Դեդ Հասանի տեղը:

Ըստ հետաքննության՝ 2015 թվականի դեկտեմբերին  «Elements» ռեստորանի մոտ հրաձգություն են կազմակերպել, ինչի հետևանքով 5 մարդ տեղափոխվել էր հիվանդանոց, որոնցից 2-ը, սակայն մահացել էին:

Հետաքննության նախնական արդյունքների համաձայն՝ դեպքի հիմնական պատճառը կարող է հանդիսանալ ֆինանսական լուրջ խնդիրները, որոնք առաջացել են պարտքերի պատճառով: Այդ ժամանակ տաք հետքերով ձերբակալվել էր հեղինակություն հանդիսացող Անդրեյ Կոչույկովը, ով առավել հայտնի է Իտալացի մականունով: Ըստ օպերատիվ տվյալների՝ վերջինս կապ ունի նաև Շաքրո Մոլոդոյի հետ: