Որքա՞ն գումար է վաստակել Ռամզան Քադիրովը

Չեչնիայի ղեկավար Ռամզան Քադիրովը 2015 թվականի ընթացքում 5.01 միլիոն ռուբլի է աշխատել, ինչը 200 000-ով ավելի է իր՝ նախորդ տարվա վաստակածից: 2014թ-ին այն կազմել է 4.8 միլիոն ռուբլի: Այս մասին հայտնում է «РИА Новости» գործակալությունը՝ հղում տալով Քադիրովի քարտուղարության կայքում հրապարակված հաղորդագրությանը:

Համաձայն հրապարակված փաստաթղթի՝ Քադիրովը դեռևս ունի 3.6668 քառակուս մետր տարածքով հողամաս և առանձնատուն՝ 2.344 քառակուսի մետր տարածքով: Բացի այդ, նրա ընտանիքը, ինչպես և նախորդ տարի, ունի առանձնատուն՝ 300 քառակուսի մետր տարածքով: Տրանսպորտային միջոց Քադիրովը դեռևս չունի:

Չեչնիայի ղեկավարի կինը 2014թ-ին վաստակել էր 3.3 միլիոն ռուբլի: Այս տարի այն ավելի ցածր թիվ է կազմում՝ 2.8 միլիոն ռուբլի: Քադիրովի կինն ունի 209.8 քառակուս մետր տարածքով բնակարան: