2-րդ հրաժարականը՝ մեկ օրում. Մեծ Բրիտանիայի ԱԳՆ-ն հեռանում է
Մեծ Բրիտանիայի արտաքին գործերի նախարար Բորիս Ջոնսոնը հրաժարական է տվել: Այս մասին հայտնել է երկրի վարչապետ Թերեզա Մեյի գրասենյակը:
«Այսօր ցերեկը վարչապետն ընդունել է Բորիս Ջոնսոնի հրաժարականը ԱԳՆ ղեկավարի պաշտոնից»,- նշվում է հաղորդագրության մեջ, որն ուղարկվել է էլ. հասցեով: Հաղորդվում է, որ Մեյը երախտագիտություն է հայտնել նրա աշխատանքի համար: Այն մասին, թե ով կզբաղեցնի այդ պաշտոնը, կհայտարարվի մոտ ժամանակներս:
Սա բրիտանացի նախարարների թվում արդեն երկրորդ հրաժարականն է մեկ օրվա ընթացքում: Ավելի վաղ Մեծ Բրիտանիայի՝ Եվրամիությունից դուրս գալու հարցով նախարար Դևիդ Դևիսն էր հրաժարական տվել:
Հուլիսի 7-ին «The Times» թերթը հաղորդել էր, որ կառավարության ղեկավարը խոստացել է պաշտոնաթող անել Ջոնսոնին և այլ նախարարների, եթե նրանք հրաժարվեն ընդունել Եվրամիությունից դուրս գալու իր ծրագիրը: