Մանկական ճարպակալման ռեկորդային ցուցանիշները սպառնալիքի տակ են դնում Մեծ Բրիտանիայի ապագան. հետազոտություն

Մանկական ճարպակալման ռեկորդային ցուցանիշները սպառնալիքի տակ են դնում Մեծ Բրիտանիայի ապագան, ուստի անհրաժեշտ են անառողջ սննդի դեմ պայքարի շտապ միջոցներ, նշվել է Թոնի Բլերի գլոբալ փոփոխությունների ինստիտուտի (TBI) նոր զեկույցում, տեղեկացրել է news.am-ը։

Թոնի Բլերի գլոբալ փոփոխությունների ինստիտուտի զեկույցի համաձայն՝ «քաղաքական իներցիան» ամենամեծ խնդիրն է էժան վերամշակված մթերքները առողջ եւ տնտեսապես շահեկան տարբերակներով փոխարինելու ճանապարհին։

Հաշվետվությունում նշվել է, որ դպրոցները կարող են կենսականորեն կարեւոր դեր խաղալ այդ խնդրի լուծման հարցում, կոչ է արվում բարեփոխումներ իրականացնել, որպեսզի ընդգրկեն մոտ 800 հազար երեխաների, որոնք, զեկույցի հեղինակների կարծիքով, աղքատության մեջ են ապրում, բայց չեն կարող անվճար ճաշ ստանալ։

Հայտնի շեֆ-խոհարար եւ շարժման ակտիվիստ Ջեյմի Օլիվերը հաշվետվության ներածականում գրել է. «Եթե մենք անվճար դպրոցական սննդով ապահովենք 800 000 երեխայի, որոնք դրա կարիքն ունեն, ապա 20 տարում դա կավելացնի տնտեսական աճը 8,9 մլրդ ֆունտ սթեռլինգով, քանի որ լավ սնվող երեխաները լավ են սովորում դպրոցում»։

Զեկույցում առաջարկվում են նաեւ այնպիսի միջոցներ, ինչպես անառողջ սննդի գովազդի օրենսդրական սահմանափակումը եւ պետական հաստատություններում (ինչպիսին են դպրոցները եւ հիվանդանոցները) օգտակար մթերքների պահման կանոնները։