Պարտավոր ենք ստեղծել այնպիսի ժառանգություն, որը հաջորդ սերնդին «վատի» ու «վատագույնի» առաջ չի կանգնեցնի. պատգամավոր
Կգա մի օր, երբ կառավարող ուժը կնախաձեռնի քննարկում Մեծամորի ատոմակայանի փակման թեմայով: Այս մասին Facebook-ի իր էջում գրել է ԱԺ «Իմ Քայլը» խմբակցության պատգամավոր Վիկտոր Ենգիբարյանը:
Նա, մասնավորապես, նշել է. «Շատերը ուրախ կլինեն, քանի որ ՀԱԷԿ-ը, ինչպես ցանկացած հզորություն 24/7 էական ռիսկայնություն ունի:
Քննարկումը թեժ է լինելու, որովհետև դա նաև էներգետկ անվտանգության խնդիր է:
Բանիմաց կառավարությությունը ոչ թե ժողովրդահաճո որոշում կկայացնի՝ ապավինելով միայն սեփական վարկանիշը ու քաղաքական աջակցությունը, այլ, կբխի ողջ հանրության ու ազգային անվտագության շահերից:
Մյուս կողմից, մենք՝ այսօրվա կառավարող ուժի ներկայացուցիչներս, պարտավոր ենք ստեղծել վերականգնվող էներգիայի այնպիսի հզորություններ ու տնտեսական այնպիսի ժառանգություն, որը հաջորդ կառավարող սերնդին «վատի» ու «վատագույնի» անփառունակ ընտրության առաջ չի կանգնեցնի: