Մոտ մեկ ամիս անց Զոդի կամրջի վթարից երկու տուժածներ դեռ հիվանդանոցում են

Երևան-Երասխ ճանապարհին հուլիսի 6-ին տեղի ունեցած ողբերգական վթարից տուժած Ռուզաննա Հակոբյանի և Գագիկ Ղուկասյանի վիճակը շարունակում է մնալ միջին ծանրության, նրանք դեռ դուրս չեն գրել հիվանդանոցից: Այս մասին News.am-ի հետ զրույցում ասաց Երեւանի Ճառագայթային բժշկության և այրվածքների հանրապետական գիտական կենտրոն ԲԿ տնօրեն Գեւորգ Սիմոնյանը:

«Նրանք դեռ շարունակու են բուժում ստանալ, դեռ չենք կարող ասել` երբ դուրս կգրեն հիանդանոիցից»,- ասաց տնօրենը:

Նա նաեւ նշեց, որ Գագիկը մոտ հոգեբանական շոկն անցել է, նրա վիճակը բավական թեթեւացել է։

Նշենք, որ 37-ամյա Ռուզաննա Հակոբյանը եւ 28-ամյա Գագիկ Ղուկասյանը Սուրենավան գյուղից են:

Ավելի վաղ հաղորդել էինք, որ Զոդի կամրջի մոտ վթարից տուժած 37-ամյա Ռուզաննան և 28-ամյա Գագիկը տեղափոխվել են հիվանդասենյակ :

Հիշեցնենք, Operativ լրատվականը հայտնել էր, որ 2019 թվականի հուլիսի 6-ին՝ժամը 15:00-ի սահմաններում, Արարատ քաղաքի Զոդի կամրջի վրա, միմյանց են բախվել «ԳԱԶԵԼ», «Տոյոտա Հիլուքս» եւ «ՎԱԶ 21063» մակնիշի ավտոմեքենաները, որի արդյունքում հրդեհ է բռնկվել «ԳԱԶԵԼ» մակնիշի ավտոմեքենայում, այնուհետեւ հրդեհը տարածվել է «Տոյոտա Հիլուքս» մակնիշի եւ «ՎԱԶ 21063» մակնիշի ավտոմեքենաներում:

Վթարի հետեւանքով ստացած այրվածքներից «ԳԱԶԵԼ» մակնիշի ավտոմեքենայի վարորդը եւ վերջինիս հինգ ուղեւորները տեղում մահացել են (6 դիերից մեկն արական սեռի է, հինգը՝ իգական), «ԳԱԶԵԼ»-ում գտնվող մյուս ուղեւորները, ինչպես նաեւ «Տոյոտա Հիլուքս» մակնիշի ավտոմեքենայի վարորդը եւ ուղեւորները՝ ընդհանուր 13 մարդ, մարմնական տարբեր վնասվածքներով տեղափոխվել բժշկական կենտրոններ:

Operativ լրատվականը, հղում կատարելով News.am-ին, հայտնել էր նաև, որ Զոդի կամրջի ողբերգական վթարից տուժած 20-ամյա աղջիկը մահացել է: 

Քնած է եղել, զգացել է, որ մարդիկ լցվում են իր վրա:

Պարզվել է ավտովթարից մահացած ևս մեկ անձի ինքնությունը:  Դատագենետիկական փորձաքննության արդյունքում հայտնի է դարձել, որ մահացածը՝ Երասխ գյուղի բնակիչ 1964 թվականին ծնված Սոֆյա Ոսկանյանն է։

Դեպքի կապակցությամբ հարուցվել է քրեական գործ ՔՕ 242-րդ հոդվածի 3-րդ մասով (ճանապարհային երթեւեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է երկու կամ ավելի մարդու մահ): Հուլիսի 8-ին Toyota Hilux-ի վարորդ Սողոմոն Հակոբյանը կալանավորվել է։