Սիլիկյան խճուղում հայտնաբերվել են կողաշրջված մոպեդներ. 22-ամյա մոպեդավարը հիվանդանոցում մահացել է
![](/timthumb.php?src=disc/25-04-24/5c195f080db3fa2c94be0d6a32323bb0.jpg&w=450)
Ապրիլի 24-ին, ողբերգական դեպք է տեղի ունեցել Երևանում: Ժամը 21:15-ի սահմաններում Սիլիկյան Նոր խճուղում «Էկո Սիթի» թաղամասի հարևանությամբ, ըստ նախնական տեղեկությունների, Երևանի գնդի պարեկները հայտնաբերել են կողաշրջված «Hayasa» մակնիշի և «Vortex 50» մակնիշի մոտոցիկլներ:
Ինչպես հայտնում է shamshyan.com-ը, ավելի ուշ «Արմենիա» բժշկական կենտրոնից ոստիկանության օպերատիվ կառավարման կենտրոն ահազանգ է ստացվում, որ իրենց մոտ տեղափոխված քաղաքացին մահացել է: Ըստ նախնական տեղեկությունների՝ մոպեդներից մեկը վարել է հիվանդանոցում մահացած՝ Երևանի բնակիչ 22-ամյա Վիլյամ Փիլիպոսյանը, ով կողաշրջվել է:
Քննչական բաժինը պարզում է նաև մյուս մոպեդի սեփականատիրոջ կապը 2 մոպեդների կողաշրջման հետ: Դեպքի փաստով նախաձեռնվել է քրեական վարույթ: