Մալխաս Ամոյանը` Եվրոպայի առաջնության չեմպիոնությունից հետո

Հայաստանի ըմբշամարտի ֆեդերացիայի մամուլի քարտուղարությունը տեսանյութ է հրապարակել Ռումինիայից՝ Մալխաս Ամոյանի հաղթական գոտեմարտից հետո՝ ցույց տալով, թե ինչպես են հավաքականի մարզչական և մարզական կազմի անդամները շնորհավորում Ամոյանին Եվրոպայի եռակի չեմպիոն դառնալու առթիվ:Այս մասին հայտնում են armsport.am-ից։

Հիշեցնենք՝ ԵԱ-ի եզրափակչում Ամոյանը 7-0 հաշվով վստահ առավելության է հասել աշխարհի բրոնզե մեդալակիր, Եվրոպայի կրկնակի փոխչեմպիոն, թուրք Յունուս Բասարի նկատմամբ։

Մալխաս Ամոյանը պայքարը սկսել էր 1/8 եզրափակչից, որտեղ 10:1 հաշվով տպավորիչ հաղթանակ էր տարել իտալացի Ռիկարդո Վիտո Աբրեսցիայի նկատմամբ: Քառորդ եզրափակչում հայ ըմբիշը 3:2 հաշվով առավելության էր հասել անկախ երկրների դրոշի ներքո հանդես եկող ռուսաստանցի Ադլետ Տյուլուբաևի նկատմամբ, իսկ կիսաեզրափակչում 2։1 հաշվով հաղթել մոլդովացի Ալեքսանդրին Գուտուին: