Ռուս խաղաղապահները մեկ օրում ապահովել են ավելի քան 2 հազ. մարդու անվտանգ ելումուտը Լեռնային Ղարաբաղ

Ռուս խաղաղապահները մեկ օրում ապահովել են ավելի քան 2 հազ. մարդու անվտանգ մուտքն ու ելքը Լեռնային Ղարաբաղ անցակետերով և Լաչինի միջանցքով։ Այս մասին տեղեկացնում է ՌԴ պաշտպանության նախարարության մամուլի ծառայությունը։

Ռուս խաղաղապահներն ապահովում են իրադրության եւ հրադադարի ռեժիմի պահպանմանը հետեւելու շուրջօրյա մոնիթորինգ։ Ռուսաստանի խաղաղապահ ուժերի քսանյոթ դիտորդական կետեր են տեղակայված Լաչինի միջանցքում և Լեռնային Ղարաբաղում սահմանազատման գծի ողջ երկայնքով։

Ռուսական խաղաղապահ զորակազմի զինծառայող Վլադիմիր Բերկոզը պատմել է իր ծառայությունն սկսելու եւ խաղաղապահ ուժերի առաջադրանքները դիտորդական կետում կատարելու, Լեռնային Ղարաբաղում իր կյանքի, կենցաղի եւ հանգստի մասին։

«Ես ռուսական խաղաղապահ զորակազմի ներկայացուցիչ Վլադիմիր Բերկոզն եմ։ Ալթայի երկրամասի Ասյամկովա գյուղից։ Մեծացել եմ բանվորի ընտանիքում, մայրս կերապան-կշռորդ էր, հայրս՝ մեխանիզատոր։ Ունեմ կրտսեր եղբայր, որը, ինչպես եւ ես, պայմանագրային զինծառայող է։ Սովորել եմ միջնակարգ հանրակրթական դպրոցում, 9-րդ դասարանից հետո ընդունվել եմ Կուպինսկի բժշկական քոլեջ, քանի որ ցանկանում էի ատամնաբույժ դառնալ։

Դիտորդական կետի զինծառայողները շուրջօրյա վերահսկում են հրադադարի ռեժիմի պահպանումը իրենց պատասխանատվության գոտում։ Ռուս խաղաղապահները ապահովում են տարանցիկ ավտոտրանսպորտի անվտանգ երթեւեկությունը վերահսկիչ անցակետերով։ Հնարավոր սադրանքների նկատառումով դիտարկվում են բոլոր փոխադրամիջոցները, իսկ անհրաժեշտության դեպքում դրանք զննվում են։

Քոլեջում սովորելու ժամանակ զբաղվել եմ սպորտով, եղել վոլեյբոլի հավաքականի հիմնական կազմում, որտեղ բարձր արդյունքներ եմ ունեցել։ Բանակում ծառայության ժամանակ շարունակում եմ ակտիվորեն զբաղվել սպորտով, դրա համար այստեղ կահավորվել է մարզադահլիճ, որն ունի անհրաժեշտ մարզագույք։

Ինչ-որ պահի ես հասկացա, որ ցանկանում են զինծառայության մեջ մտնել եւ արդեն 2012 թվականից ծառայում եմ Ռուսաստանի Դաշնության Զինված ուժերում եւ չեմ ափսոսում, որ նման ընտրություն եմ կատարել»,- ասել է ռուսական խաղաղապահ զորակազմի ներկայացուցիչ Վլադիմիր Բերկոզը։

Դիտակետերում ծառայությունն իրականացնելու համար ռուս խաղաղապահները հանդերձավորված են «Ռատնիկ»-ով։ Դիտակետերն ունեն արդիական լուսադիոդային լուսարձակներ՝ անխափան էլեկտրամատակարարման աղբյուրներով եւ փողոցային գմբեթաձեւ տեսահսկիչներով։

Ռուսական խաղաղապահ ուժերի բոլոր դիտակետերը կահավորված են «Բլոկպոստ»-երով, որոնք նախատեսված են զինծառայողներին հրազենից եւ բեկորներից պաշտպանելու, ինչպես նաեւ մոտակա տարածքի շրջանաձեւ հսկում իրականացնելու համար։

Դիտակետերում խաղաղապահ ստորաբաժանումների անձնակազմի ծառայության, կենցաղի, ֆիզիկական պատրաստվածության պարապմունքների եւ հանգստի կազմակերպման համար ստեղծված են հարմարավետ եւ ժամանակակից պայմաններ։

Յուրաքանչյուր ծառայողական կետ ունի արհեստական ծածկով մարզադահլիճ, բաղնիք, բուժկետ, չորանոց, հանդերձանքի մաքրման սենյակ, հանգստի սենյակ, գրասենյակ, պահեստ, ճաշարան, ինչպես նաեւ մթերքների պահեստ։

Ռուսաստանի Դաշնության, Ադրբեջանի Հանրապետության նախագահների եւ Հայաստանի Հանրապետության վարչապետի համատեղ հայտարարության մեջ նշված պայմանավորվածությունների համապատասխան՝ 2020թ. նոյեմբերի 10-ի 00 ժամ 00 րոպեից (Մոսկվայի ժամանակով) հայտարարվել է լիակատար հրադադար եւ բոլոր ռազմական գործողությունների դադարեցում Լեռնային Ղարաբաղում։

Ռուսական խաղաղապահ զորակազմի պատասխանատվության գոտում հնարավոր միջադեպերի կանխմանն ուղղված ջանքերի համակարգման համար մշտական փոխգործակցություն է հաստատված Ադրբեջանի եւ Հայաստանի զինված ուժերի գլխավոր շտաբների հետ։