«Ի հեճուկս տարբեր դժվարությունների և մարտահրավերների՝ մեր համագործակցությունը լայն թափով շարունակվում է». Արտակ Բեգլարյանը ընդունել է ՀՀ աշխատանքի և սոցիալական հարցերի նախարարին

Արցախի Հանրապետության պետական նախարար Արտակ Բեգլարյանը օգոստոսի 29-ին ընդունել է ՀՀ աշխատանքի և սոցիալական հարցերի նախարար Նարեկ Մկրտչյանին և փոխնախարար Ռուբեն Սարգսյանին: Այս մասին տեղեկացնում է Արցախի պետական նախարարի աշխատակազմը:

Հանդիպմանը քննարկվել են հետպատերազմյան շրջանում Արցախի վերականգնմանն ու սոցիալական ոլորտում լայնածավալ համագործակցությանն առնչվող օրակարգային ու հեռանկարային մի շարք հարցեր:

«Ի հեճուկս տարբեր դժվարությունների և մարտահրավերների՝ մեր համագործակցությունը լայն թափով շարունակվում է: Ուզում եմ առիթն օգտագործել և շնորհակալություն հայտնել ՀՀ կառավարությանն ու Ձեր գլխավորած գերատեսչությանը հետպատերազմյան շրջանում Արցախին ցուցաբերվող մեծածավալ սոցիալական ու հարակից աջակցության համար: Տեղյակ եմ, որ իրագործել եք շուրջ 15 ծրագիր՝ նյութական և ոչ նյութական աջակցության տեսքով, որոնք օգնել են ԱՀ բնակչությանն ու կառավարությանը խուսափել խոշոր ճգնաժամից և այս ժամանակահատվածը օգտագործել տնտեսության, կառավարման համակարգի վերականգնման համար, որպեսզի կարողանանք առաջիկայում սոցիալական աջակցության ծրագրերը սահուն փոխարինել զարգացման ծրագրերով»,- իր խոսքում նշել է Արտակ Բեգլարյանը:

ՀՀ աշխատանքի և սոցիալական հարցերի նախարարը, անդրադառնալով հետպատերազմյան շրջանում իրականացված աշխատանքներին, ընդգծել է, որ դրանք նպատակ ունեին շրջանցելու և հաղթահարելու սոցիալական հնարավոր ճգնաժամը:

«ՀՀ Կառավարությունը, սերտ գործակցելով ԱՀ կառավարության հետ և ճիշտ ընտրելով թիրախային ուղղությունները, կարողացավ ծավալուն աշխատանք իրականացնել այդ ուղղությամբ: Եվ մեզ համար շատ կարևոր է այդ նույն տրամաբանության շարունակել համագործակցային աշխատանքը՝ սահմանելով նաև սկզբունքները: Այդ սկզբունքներից է, ինչպես նշեցիք Ձեր խոսքում, սոցիալական աջակցության ծրագրերից անցում կատարելը զարգացման ծրագրերի»,- ասել է Նարեկ Մկրտչյանը:

Այցի նպատակներից էր նաև Արցախում սոցիալական ձեռնարկատիրության զարգացմանը խթանելը: Նույն օրը պետական նախարարն ու ՀՀ աշխատանքի և սոցիալական հարցերի նախարարըներկա են գտնվել սոցիալական Ձեռնարկատիրական շաբաթի շրջանակներում անցկացվող դասընթացներին:

Արտակ Բեգլարյանը կարևորել է ձեռնարկատիրական գործունեության և նախաձեռնողականության խթանումը, ինչպես նաև սոցիալական ձեռնարկատիրության մշակույթի ներդնումն Արցախում: Որպես այդ նպատակի առաջին քայլ՝ ՀՀ աշխատանքի և սոցիալական հարցերի նախարար Նարեկ Մկրտչյանն ընդգծել է Արցախի պետական համալսարանում սոցիալական ձեռնարկատիրության կենտրոն հիմնելու շուրջ ձեռք բերված պայմանավորվածությունները:

ԼՐԱՀՈՍ
14:28 • 30/08
Ղարաբաղյան հակամարտությունը երբեք չէր կարգավորվի խաղաղ ճանապարհով. Ալիև
14:12 • 30/08
Բրազիլիայում Հունաստանի դեսպանի կինը 31 տարվա բանտարկության է դատապարտվել ամուսնու սպանության համար
youtube subscribe
14:01 • 30/08
Վերաքննիչ դատարանը վերացրեց Յուրի Խաչատուրովի` սահմանը հատելու արգելքը
13:57 • 30/08
Ռոբերտ Քոչարյանի պաշտպանները միջնորդել են վերացնել գրավը կամ նվազեցնել դրա չափը
13:49 • 30/08
Լավրովը նշել է՝ որոնք են ՌԴ արտաքին քաղաքականության երեք հիմնասյունը
13:33 • 30/08
Աթենքում անկարգություններ են տեղի ունեցել պարտադիր պատվաստման դեմ հանրահավաքում
13:10 • 30/08
ԱՄՆ-ն չի մասնակցի Հարավային Կորեայի և Մեծ Բրիտանիայի ռազմածովային ուժերի վարժանքներին
13:10 • 30/08
Անցած շաբաթվա ընթացքում Արցախի տարածքում հայտնաբերվել և ոչնչացվել է մեկ միավոր ավիառումբ, կասետային 3 հրթիռ և 2 պայթուցիչ. Արցախի ԱԻՊԾ
13:06 • 30/08
Աղին համայնքում սպառողական կոոպերատիվի նախագահի կողմից չարաշահումներ կատարելու գործն ավարտվել է. ՔԿ
12:58 • 30/08
Հազարավոր ընտանիքներ շարունակում են տառապել՝ անտեղյակ իրենց սիրելիների