Բոլորը տեղյակ են եղել, որ տղաները առանց զրահաբաճկոնի են եղել. ինձ հրաման են տվել, կատարել եմ, որոշում կայացնողը եղել է գեներալ-լեյտենանտ Անդրանիկ Մակարյանը. Էջմիածնի զորամասի հրամանատար
Ինչպես քիչ առաջ Operativ լրատվականը հաղորդել էր, այսօր՝ դեկտեմբերի 8-ին, անհետ կորած զինծառայողների ծնողները բողոքի ակցիա էին անում Էջմիածնի զորամասի դիմաց:
Նրանք նշում էին, որ տվյալ զորամասից 34 զինծառայող անհետ կորել է և արդեն 50 օր է՝ նրանց մասին որևէ տեղեկություն չկա:
Ծնողները մտան զորամասի տարածք և հանդիպեցին զորամասի հրամանատար Արսեն Աբգարյանի հետ, նրանք հարցրեցին հրամանատարին՝ ինչո՞ւ են զինվորներին առանց զրահաբաճկոնի ու սաղավարտի ուղարկել մարտական գործողության. «Որպես քիմիական գումարտակի հրամանատար, քիմիական զենք են օգտագործում, քեզ հրաման են տալիս առանց հակագազի դուրս գալ քիմմաքրում կատարել, կանե՞ս, ինչո՞ւ ես մեր երեխաներին առանց զրահաբաճկոնի տարել»,- Աբգարյանից հարցրեց ծնողներից մեկը:
Աբգարյանը պատասխանեց՝ այդ ամենից բոլորը տեղյակ են եղել. «Այդ ամենից տեղյակ են եղել բոլորը, ինձ հրաման են տվել, կատարել եմ, որոշում կայացնողը եղել է գեներալ-լեյտենանտ Անդրանիկ Մակարյանը»:
Մենք չենք սպասելու․ անհետ կորած զինծառայողների հարազատները Էջմիածնի զորամասի մոտ
Հիմա հրաման տվողը ժողովուրդն է․ Էջմիածնի զորամասի դիմաց լարված իրավիճակ էր