Էդ երկիրը չի մեղավոր է, էդ դու ես մեղավոր

Մեր մահացած հերոս տղերքի նկարներն եմ հերթով նայում ու սիրտս մղկտում է, ու ուզում եմ պատկերացնեմ, ո՞նց են մարդիկ էսօրով իրանց ձայնը վաճառում, հը՞, չէ լուրջ, թքած ընտրությունների վրա, իմ հարցը ուրիշ է, ո՞նց են իրանց ձայները վաճառում, ախր էս երիտասարդ տղաները, որոնք դեռ իրանց կյանքը չէին էլ վայելել, մեր համար անմահացան, մեր խաղաղության համար, մեր կյանքի համար, էդ իրանց շնորհիվ է, որ կանք մենք, իրանց շնորհիվ է, բայց արի ու տես, որ մենք չենք փոխվել, մենք նույն անպատասխանատու, վաճառվող տեսակն ենք մնացել, ինձ չի թվում, որ էս ջահել տղերքը էս հայրենիքի համար են մահացել։

Ձեր ձայնը վաճառեցի՞ք, օքեյ, լավ արեցիք, դե ով որ վաճառել է, հիշեք, որ էս տղերքը ձեզ երկնքից նայել են ու հաստատ ձեզ լավ աչքով չեն նայել։

Վաճառեցիք ձեր ձայները, ու վաղը կարթնանաք այն նույն երկրում, որտեղ որ քնել էիք, չենք ուզում էլի, չենք ուզում մարդավարի ապրենք, չենք ուզում ազատ ապրենք, ստրկամիտ մտածելակերպը մեկ է հաղթում է մեր գիտակից տեսակին։

Ես ամաչում եմ, որ այս օրերի ընթացքում ազգիս մեծ մասը իրան ծախել է, ծախեցի՞ք, վերցրեցի՞ք էտ 10֊15֊20 հազար դրամները, ի՞նչ արեցիք, ուտելիք առա՞ք, կոմունալ մուծեցի՞ք, բայց ձեզ մի հատ հարց տվեք` ինչի՞ դուք ուտելիքի փող չունեիք, ինչի՞ կոմունալի փող չունեյիք, ասում են մարդ 2-րդ անգամ նույն վարար գետը չի մտնում, չէ՜, փաստորեն մեր ազգի գերակշիռ մասին դուր է գալիս ապրել սենց կյանքով, դե ի՞նչ ասեմ, ապրեք դուք, բռավո, էդ ընտրակաշառքը ծախսեք, ու նստեք երկրից բողոքեք։

Ես շնորհավորում ձեզ, դուք ձեր ձեռքով վաճառեցիք համ ձեր 5 տարիները, համ մեր։

Սամվել Հայրապետյան. Ֆեյսբուք