Ադրբեջանը պարզապես հասկացավ, որ ռազմական եղանակով ԼՂՀ հարցի լուծումը բացառված է
Վաղը գիշերը կլրանա ապրիլյան քառօրյայի տարելիցը։ Ինչ ենք սերտել այս մի տարվա ընթացքում ու սխալների ուղղում արել։ Կարծում ենք՝ աշխատանքները, որոնք տարվել են, հսկայական են: Ու ոչ թե այն պատճառով, որ դա իշխանությունները արել են, որ լռեցնեն իրենց ըննդիմախոսներին, այլ պարզապես որ դրանից է կախված մեր բոլորի անվտանգությունը։
Ապրիլյան քառօրյան վեր հանեց մի շարք խնդիրներ՝ սահմանային տեխնիկայից սկսած զինվորական սպայական կազմի անկարգապահությամբ վերջացրած։ Սա ըստ էության արցախյան առաջին գոյամարտից հետո գերագույն էսկալացիան էր։ Պատերազմը սարսափելի երևույթ է, ու նույնիսկ ամենակատարելագործված բանակներում կարող են խնդիրներ լինել, եթե երկար ժամանակ ակտիվ ռազմական գործողությունների մեջ ներգրավված չլինեն։
Այնպես որ, իհարկե, ֆիքսում ենք, որ սահմանին խնդիներ են եղել, մշտադիտարկման մեխանիզմներ չեն եղել, այսպես կոչված որոշ ըննդիմադիր ուժերի կողմից «կանսերվի բանկեքը» գերակա են եղել, բայց նաև մենք առարկայական կորուստներ չենք ունեցել ապրիլյանի ժամանակ, կարողացել ենք ետ մղել հակառակորդի հսկայական ու պատրաստված հարձակումներն ու ի վերջո հետ շպրտել սահմանից։ Հանրության համար սա գուցե բավարար չլինի, սակայն քաղաական ուժերը, եթե իսկապես այդիպիսին են իրենց էությամբ չեն կարող ու իրավուքն չունեն անընդհատ րոպե առ րոպե բարձրաձայնել սրա մասին քաղաքական դիվիդենտ հավաքելու համար։
Ադրբեջանը պարզապես հասկացավ, որ ռազմական եղանակով ԼՂՀ հարցի լուծումը բացառված է։ Պարզապես չի հաջողելու։ Եթե հույսը անակնկալ հարձակումն էր, ապա սեփական մաշկի վրա զգաց հայկական զինուժի գործողությունների ցավոտությունը։ Այժմ, մեկ տարվ ընթացքում սահմանին հսկայական աշխատանք է կատարվել, ինչը փաստում են նաև ըննդիադիրները, որոնք պարբերաբար այցելում են դիրքեր։
Այս պարագայում, երբ մենք արդեն հատուկ նկարահանող սարքերի շնորհիվ ունենք հնարավորություն հակառակորդի գործողությունները վերահսկել հենց իրենց տարածքում, կարող ենք վստահ ասել, որ նոր պատերազմ սանձազերծելու պարագայում այս անգամ հայկական կողմը գնալու է շատ ավելի հեռուն ու չի սահմանափակվելու միայն ադրբեջականակ ագրեսիան ետ մղելով։ Այս անգամ պատասխանը լինելու է շատ ավելի դաժան ու հակառակորդին պարտադրվելու է խաղաղություն։ Սրանում Հայաստանի և ոչ մի քաղաքացի թող չկսասկածի:
Կարեն Համբարձումյան. Ֆեյսբուք