Գերմանացիների հերթական ապտակը Էրդողանին
Թուրքիայի բռնապետ Ռեջեփ Էրդողանը հերթական հարվածը ստացավ Գերմանիայից: Գերմանիայի Դաշնային հետախուզության ծառայության (BND) ղեկավար Բրունո Կալը Der Spiegel-ին տված հարցազրույցում կասկածի տակ է դրել Էրդողանի այն պնդումները, որ հայտնի թուրք հոգևոր քարոզիչ Ֆեթուլլահ Գյուլենն ահաբեկիչ է:
«Թուրքիան փորձում էր մեզ համոզել այդ պահով տարբեր մակարդակներով, բայց մինչև հիմա դա նրանց չի հաջողվել»,-ասել է Կալը: Նա նաև հակադարձել է Անկարային, որը պնդում է, որ Գյուլենի շարժումը մահմեդական ծայրահեղական է:
«Գյուլենի շարժումը քաղաքցիական միություն է, որը զբաղվում է կրոնական և աշխարհիկ կրթությամբ»,- հակադաձել է Էրդողանի պնդումներին BND-ի ղեկավարը:
Անդրադառնալով Թուրքիայում անհաջող պետական հեղաշրջման փորձից հետո պետական ծառայողների մասսայական կրճատումներին՝ Կալն ասել է, որ Էրդողանն «այդ հարմար պահը» օգտագործեց իր նպատակներն իրականացնելու համար: «Այն ինչ մենք տեսանք խռովությունից հետո, կլիներ առանց դրա էլ, բայց ոչ այդպես լայն և կտրուկ»,-ասել է Կալը:
Սա վերջին շրջանում Բեռլինի կողմից Անկարային հասցված հերթական ապտակն է:
Թուրք նախարարներին Գերմանիայի տարածքում ելույթների չեղարկումից հետո, իր անդաստիարակ և փողոցային վարքագծով հայտնի Թուրքիայի բռնապետը, բավական ակտիվացել էր և իրեն թույլ էր տալիս վիրավորանքներ հնչեցնել Գերմանիայի և նրա ղեկավարության հասցեին: Գործը հասել էր նրան, որ իր ֆաշիստական վարքագծով հայտնի Էրդողանը ֆաշիզմի մեջ էր մեղադրում Գերմանիայի վարչապետ Անգելա Մերկելին: Բրունո Կալի այս հարցազրույցը սառը ցնցուղ է Էրդողանի և նրա կուսակիցների «տաք գլուխներին:
Գերմանիայի կառավարությունը հասկացնել է տալիս Էրդողանին, որ իրեն խելոք պահի և չափերի մեջ մնա, որ հանկարծ միամիտ տեղը չբացահայտնեն անցյալ տարվա հուլիսին Թուրքիայում անհաջող պետական հեղաշրջման իրական շահագրգիռները և մեղավորները: Չնայած, Գերմանիայի Դաշնային հետախուզության ծառայության (BND) ղեկավար Բրունո Կալը բավական պարզ ակնարկել է դրանց մասին:
Գագիկ Համբարյան. Ֆեյսբուք