Հակաթուրքական ալիքը կարող է տարածվել նաև Ադրբեջանի վրա

Թուրք-նիդերլանդական հարաբերությունների սառեցումը խոսում է ԵՄ-ում Թուրքիայի նկատմամբ առկա ներկայիս քաղաքական բացասական ընդհանուր դիրքորոշման մասին: Նիդեռլանդների հետ հարաբերությունների սրման հետևանքով Թուրքիայում ակտիվանում են հակաեվրոպական հասարակական տրամադրությունները, անցկացվում բողոքի երթեր` ուղեկցվելով բռնություններով:

Չի բացառվում, որ Թուրքիայում գտնվող եվրոպացիների նկատմամբ բռնությունների ալիքը դոմինոյի էֆեկտով խորացնի հակաթուրքական տրամադրությունները ոչ միայն Նիդե8լանդներում, այլև տարածում գտնի եվրոպական մյուս երկրներում:

Հայտնի է, որ ԵՄ հասարակական տարբեր շերտերում աստիճանաբար ընդլայնվում են ազգայնական շարժումները` պայմանավորված դեպի ԵՄ ներգաղթյալների կանոնավոր հոսքերի հետ:

Հավանականություն կա, որ թուրք-նիդերլանդական հակասությունները մասամբ կարող են միավորել ԵՄ հասարակական ազգայնական տրամադրությունները թուրքական վեկտորի ուղղությամբ:

Կարծում եմ, ԵՄ հայկական լոբբիստական խմբերն ու կազմակերպությունները նույնպես այստեղ անելիքներ ունեն. Նամանավանդ, որ հակաթուրքական ալիքը կարող է տարածվել նաև Ադրբեջանի վրա, որը ԵՄ-ում ասոցացվում է Թուրքիայի հետ: 

Ի դեպ, հարցի առնչությամբ ուշագրավ է, որ Ֆրանսիա կատարած այցելության ընթացքում Ալիևին դիմավորել է երկրի գյուղատնտեսության նախարարը:

Կարեն Վերանյան. Ֆեյսբուք