Շպռօտի ամենահիշվող Ամանորյա նվերը, հայրիկի հետ սահնակ քշելն ու 2014 թ. բարեմաղթանքները

2013 թվականն իր տեղը զիջեց 2014 թվականին: Ոմանց համար 2013-ը հաջողակ, ոմանց համար պարզապես սովորական տարի էր: Ամանորի հետ կապված իր հիշողություններով ու դրական լիցքերով Operativ.am-ի հետ կիսվեց երգչուհի Շպռօտը (Անի Թովմասյան), ով այժմ բնակվում է Միացյալ Նահանգներում:

-Որտե՞ղ և ո՞ւմ հետ եք դիմավորելու Ամանորն ու Սուրբ Ծնունդը:

Ամանորին աշխատելու եմ, բայց հետո ընկերուհուս՝ Էլենի և իր ընտանիքի հետ կնշենք:

-Ի՞նչ հիշողություններ ունեք Ամանորի հետ կապված:

Ա՜խ, շատ լավ հիշողություններ: Հայրիկիս եմ հիշում, թե ինչպես էինք սահնակ քշում. քրոջս հետ էլ ձմեռ պապիկի ոտնատեղերն էինք փնտրում:

-Ի՞նչ խորհուրդ ունի Ամանորը Ձեզ համար:

Գունագեղ, գեղեցիկ տոն է:

-Ամենհիշվող և օրիգինալ նվերը, որ ստացել եք:

Վարդագույն կոմբինիզոնը, որը մայրիկս էր նվիրել:

-Ձմեռ պապիկին հավատացե՞լ եք:

Այո, հավատացել եմ:

-Հայաստանո՞ւմ է ավելի հոգեհարազատ նշել Ամանորը, թե՞ ԱՄՆ-ում

Իհարկե Հայաստանում, քանի որ մեզ մոտ ավելի ուրախ են նշում, իսկ այստեղ՝ ոչ

-Ե՞րբ եք պատրաստվում նոր տեսահոլովակ ներկայացնել:

Ամանորից հետո կսկսեմ նկարահանումները:

-Ե՞րբ եք պլանավորում վերադառնալ Հայաստան, քանի որ Ձեր երկրպագուները Ձեզ կարոտում են:

Ես էլ եմ շատ կարոտում, հուսով եմ՝ շուտով կվերադառնամ:

-Ձեր մաղթանքները Հայ ժողովրդին:

Մաղթում եմ համբերություն և լավատեսություն իմ սիրելի ժողովրդին:

Զրուցեց` Մարիա Կոշեցյանը