Արքայազն Չարլզի բարեգործական ֆոնդը փաստացի կապված է ռուսական օֆշորային ցանցի հետ

Ռուսական Ինվեստբանկը, որի ղեկավարը հանդիպել է արքայազն Չարլզի հետ, կառավարում է օֆշորային կազմակերպությունների ցանցը, որի միջոցով Ռուսաստանից դուրս են բերվել միլիարդավոր դոլարներ։
Միջազգային հետազոտությունների արդյունքում հայտնաբերվել է, թե ինչպես է օֆշորային ցանցը ծավալային խաբեությունների միջոցով կազմակերպություններից գումարներ ստացել։

Այս մասին հայտնում է BBC.com-ը:

Խոսքը օլիգարխ, «Տրոյկա Դիալոգ» ներդրումային բանկի նախկին ղեկավար Ռուբեն Վարդանյանի մասին է։
Անձամբ նա պնդում է, որ ներգրավված չի եղել բանկի ամենօրյա գործունեության մեջ։
Գումարները, որոնք մուտք են գործել օֆշորային ցանցից, ուղղվում էին արքայազն Ուելսի բարեգործական ֆոնդ, որպեսզի վերականգնեն Շոտլանդիայում գտնվող 18-րդ դարի Դամֆրիա-Հաուս պատմական կառույցը։
Գործարքների մեծամասնությունը անցել է Ukio Bancas լիտվական բանկի միջոցով՝ փակված դեռևս 2013 թվականին երկրի ղեկավարության կողմից։

2005 և 2011 թվականների միջակայքում ավելի քան 3,35 մլրդ եվրո ուղղված է եղել օֆշորային կազմակերպությունների ցանցին, որը կառավարվում էր «Տրոյկայով» , և վերջինից դուրս է բերվել 3,5 մլրդ եվրո։

Կազմակերպությունները ամենայն հավանականությամբ օգտվում էին փողերի փոխանցման անանուն տարբերակներից։

Փաստաթղթերից հետևում է, որ տասնյակ միլիոնավոր դոլարներ են մուտք գործել ցանցում ներգրավված կազմակերպություն, որոնք կապված են եղել ծանր հանցագործությունների հետ։

Իր գոյության պատմության ընթացքում «Տրոյկա Դիալոգ» կազմակերպության խումբը գործել է թափանցիկության և միջազգային ֆինանսական հաշվետվությունների ստանդարտներին համապատասխան։
Դրանից բացի վերջինս ակտիվ մասնակցություն է ունեցել Ռուսական շուկայի ֆինանսական քաղաքակրթության ձևավորմանը։
«Տրոյկա Դիալոգ» կազմակերպության խմբի վաճառքից հետո՝ 2012 թվականին, պարոն Վարդանյանը շատ ժամանակ և ռեսուրս է տրամադրել բարեգործական գործունեությանը։