на Русском
Երևանում ապամոնտաժվել է շուրջ 10,500 ինքնակամ... 
Արգելափակված են Շիրակի և Արտաշիսյան փողոցները 
Վարչապետը հանձնարարեց ստեղծել աշխատանքային խումբ` ոռոգման խնդիրները լուծելու համար
Բնապահպանության նախարարի պաշտոնակատար Էրիկ Գրիգորյանը նոյեմբերի 22-ին Կառավարության հաստատմանը ներկայացրեց «Հայաստանի Հանրապետության ջրային օրենսգրքում լրացումներ և փոփոխություններ կատարելու մասին» Հայաստանի Հանրապետության օրենքի նախագիծը: Նա նշեց, որ բովանդակային առումով նախագիծը «սակավաջրություն» և «երաշտ» տերմինների հստակեցմանը և հայտարարելու գործընթացին է վերաբերում, դրանք թեպետ սահմանված են, բայց մեխանիզմ չկա՝ ինչպես, որ գործոնների համար են հայտարարվում: Գրիգորյանը հիշեցրեց` տարվա սկզբին, երբ խնդիր առաջացավ` կա՞ սակավաջրություն, թե՞ ոչ, ԱԻՆ-ը տվյալներ տալիս էր, բայց հստակություն չկար: Նախագծով այդ մասին հայտարարելու լիազորությունը տալիս են կառավարությանը: Սակավաջրության դեպքում ջրի բաշխումը տրվելու է ըստ օրենսգրքով սահմանված առաջնահերթության, այն է` խմելու ջուր, գյուղատնտեսություն և այլն:
ՀՀ վարչապետի պաշտոնակատար Նիկոլ Փաշինյանը, արձագանքելով, շեշտեց` շուտով նորից ամառ է գալու, և եթե այսօրվանից չպատրաստվեն, ընկնելու ենք նույն ցիկլի մեջ: Նա հիշեցրեց, որ վարչապետ ընտրվելուց հետո առաջին շեշտադրումներից է եղել, թե արդյոք ոռոգման հետ կապված ամեն ինչ կարգի՞ն է: Փաշինյանը խնդիր է դրել Սևանին չանդրադառնալ, իրեն վստահեցրել են, որ Սևանից հավելյալ ջուր չեն վերցնելու, հետագայում պարզվել է, որ դա անհրաժեշտ է, պարզվել է, որ կան ստվերային այգիներ, կորուստներ և այսպես շարունակ: Վարչապետի պաշտոնակատարի գնահատմամբ` ոռոգման համակարգի ոլորտում տիրում է «վակխանալիա», ուստի այս խնդրով այսօրվանից պետք է զբաղվել` հետագայում նույն տաշտակի առաջ չկանգնելու համար:
Կառավարության ղեկավարը նշեց, որ այս ոլորտի իրավիճակի վերաբերյալ Պետական վերահսկողական ծառայության պետի ներկայացրած տվյալները սարսափելի էին, անհավատալի, պարզվել էր, որ տասնյակ հեկտարներով այգիներ կան, որ առաջնային ջուր են ստացել և չեն վճարել ոչ մի լումա: Փաշինյանը ներկայացրեց, թե որ ուղղություններով պետք է աշխատանքներ տանել, առաջինը ստվերային այգիների ու հողատարածքների արձանագրման հարցն է: Նրա խոսքով` մեծ հավանականությամբ իրավապահներն էլ պետք է անդրադառնան այս հարցին, քանի որ ոռոգման համակարգին միլիոնների վնաս է հասցվել:
«Իմաստ ունի, որ ստեղծենք աշխատանքային խումբ, որն այսօրվանից զբաղվի ամառվա պիկին մեր ոռոգման խնդիրները լուծելով, հէկ-երի ոլորտում… ինչ կարդում ես, բլոգբաստերի տպավորություն է ստեղծում: Պետք է աշխատանքային խումբ ձևավորել, որն այսօրվանից պետք է զբաղվի ոռոգման սեզոնի հարցերով` անդրադառնալով դրա բոլոր բաղադրիչներին»,- ասաց նա:
ՀՀ փոխվարչապետի պաշտոնակատար Տիգրան Ավինյանը հայտնեց, որ այս ուղղությամբ որոշակի աշխատանք իրականացվել է, սկսել են գործընթաց, արբանյակային պատկերների միջոցով հստակ ստանում են խոնավ հողերի պատկերը, այն համադրում են ջրօգտագործող ընկերությունների տրամադրած պայմանագրերի հետ, տեսնում, թե որտեղ են ստվերային այգիները:
ՀՀ գյուղատնտեսության նախարարի պաշտոնակատար Գեղամ Գևորգյանը, անդրադառնալով ռեգիստրացիոն համակարգերի ներդրմանը, նշեց, որ այդ կերպ հստակ պատկերացում կստացվի` այդ ծավալի այգիներ կա՞ն, թե՞ ոչ, այդ այգիներն ի՞նչ կերպ են օգտագործվում և այլն:
