Սամվել Ալեքսանյանին պատկանող ընկերության կշիռը շաքարավազի ներմուծման շուկայում 98 տոկոսից նվազել է՝ հասնելով 78-ի

Որևէ շուկայում չի եղել տնտեսվարող, որին պատկանի շուկայի 100 տոկոսը, ներկայում էլ չունենք նման տնտեսավարող, լրագրողների հետ ճեպազրույցում հայտարարեց ՀՀ տնտեսական մրցակցության պաշտպանության պետական հանձնաժողովի նախագահ Արտակ Շաբոյանը:

Նա ընդգծեց, որ գերիշխող դիրք ունեցող տնտեսավարողներ ամբողջ աշխարհում կան, և որևէ երկրի մրցկացային օրենսդրություն չի արգելում գերիշխող դիրք ունենալը:

«Շատ դեպքերում գերիշխող դիրք ունենալը պայմանավորված է օբյետիվ պատճառներով՝ տնտեսվարողի լավ աշխատանքով, ճիշտ կառավարմամբ, ռեսուսրների արդյունավետ օգտագործմամբ: Պետք է այլ հարցադրում անել՝ կա՞ մուտքի խոչընդոտ, թե՞ ոչ: Նպատակը ոչ թե խոշոր ընկերություններին փակել կամ կրճատելն է, այլ ապահովել, որպեսզի ապրանքային շուկաներում չլինեն մուտքի խոչընդոտներ», - ասաց նա:

Խոսելով շաքարավազի ներմուծման մասին՝ Շաբոյանն ընդգծեց, որ այս պահին շաքարավազի շուկայում շուրջ 100 տնտեսվարող կա ու չկա մուտքի խոչընդոտում: Նա նկատեց, որ դաշտում գերիշող դիրք ունի «Ալեքս Հոլդինգ»-ը, մինչդեռ դրա ցուցանիշը նվազել է:

«Վերջին 4-5 ամիսների ընթացքում շաքարավազ ներմուծողների քանակն ու խմբաքանակը շատացել է: «Ալեքս Հոլդինգ» ՍՊԸ-ն, որը մշտապես եղել է շուկայում և զբաղեցրել շուկայի 98 տոկոսը, այս պահին նրա կշիռը կազմում է 78 տոկոս», - ասաց նա: