Արթուր Մովսիսյանը դադարեցրեց հացադուլը
Փաստաբան Արայիկ Պապիկյանը Facebook - ի իր էջում գրել է.
«Շնորհակալ եմ բոլոր ինձ աջակցողներին և սատարողներին, համոզված եմ, որ իմ բարձրացրած խնդիրը դարձավ քննարկման առարկա։ Տեղեկացված եմ այսօրվա նախազգուշական ակցիայի մասին և իմ այս օրերի հացադուլը հաշվի առնելով, գտնում եմ, որ քայլ անելու հերթը վճռաբեկ դատարանինն է։
Իմ առողջական վիճակը այս պահին թույլ չի տա շարունակել հացադուլը, քանի որ 1-2 օր հետո վճռաբեկի որոշումը չէր կարող վերաբերվել կենդանի Արթուր Մովսիսյանին։ Ես դեռ շատ անելիք ունեմ իմ հայրենիքի և ընտանիքի համար, ուստի հաշվի առնելով վերը նշված իրողությունները ես դադարեցնում եմ հացադուլը 20.07.18թ. ժ. 18։00, բայց չեմ դադարեցնում իմ պայքարը։
Արթուր Մովսիսյան
«Վարդաշեն» ՔԿՀ 20.07.18թ
Արթուրի այսօրվա առողջական վիճակի մասին.
Զարկերակային ճնշում՝ 80/50,
Սուր շաքարային դիաբետ,
Մարմնի դող,
Տեսողության խնդիրներ,
Գլխապտույտներ,
Լյարդի ցավեր,
Վիրահատման ենթակա ճողվածք (ավելի քան 8 ամիս է Արթուրը սնունդ քիչ է ընդունում, որպեսզի ճողվածքի ցավերը չսաստկանան)
Նախկինում 8 անգամ վիրահատված (ստամոքս, լեղապարկ, կույր աղի, ճողվածք)
2018 թ. հունիսի 13-14-ին զննվել է Արամ Մինասյանի (Սբ. Գրիգոր Լուսավորիչ) ԲԿ-ում, որտեղ Մինասյանը և վիրաբուժական բաժանմունքի վարիչ Ղարիբջանյանը Արթուրին չեն վիրահատել և առաջարկել են ներկայանալ ազատվելուց հետո, այն է՝ վճարովի բուժում են առաջարկել:
Արթուրի նկատմամբ այդ հանցագործների անմարդկային վերաբերմունքի վերաբերյալ հանցագործության մասին հաղորդումը կներկայացվի պատկան մարմիններին:
Դատավորներ և դատախազներ՝ լավ ե՞ք
Արթուրի նկատմամբ ձեր ցուցաբերած վերաբերմունքի համար պատասխան եք տալու «օրենքի տառին համապատասխան»:
Հ.գ. ափսոսում եմ, որ Արթուրը մինչ օրս համեստորեն լռել և չի պատմել իր առողջական վիճակի ու մարդասպան բժիշկների մասին»: