«Միկիպեդիա». Մխիթարյանը հերքում կամ հաստատում է «Վիքիպեդիայում» գրված տեղեկություններն իր մասին (տեսանյութ)
«Արսենալի» մամուլի ծառայությունըտեսանյութ է հրապարկել ակումբի նորեկ, Հայաստանի ազգային հավաքականի ավագ‚ կիսապաշտպան Հենրիխ Մխիթարյանի մասնակցությամբ:
Մամուլի ծառայությունը «Վիքիպեդիա» ինտերնետ-հանրագիտարանից տեղեկություններ է ներկայացրել Մխիթարյանի մասին, որոնք հայ ֆուտբոլիստը հերքել, կամ հաստատել է.
- Ճի՞շտ է, որ դուք շատ ֆուտբոլային ընտանիքից եք:
- Այո, ճիշտ է: Մայրս աշխատում է Հայաստանի ֆուտբոլի ֆեդերացիայում, իսկ քույրս` ՈՒԵՖԱ-ում:
- Ճի՞շտ է, որ 14 տարեկանում դուք եղել եք Սան Պաուլոյում:
- Ճիշտ է, որ ես եղել եմ Բրազիլիայում: Մարզվել եմ «Սան Պաուլոյի» մարզաբազայում, երբ 13 տարեկան էի: Ես մարզվել եմ Էռնանեսի ու Անդերսոնի հետ, որը խաղացել է «Ինտերում», «Յուվենտուսում», «Լացիոյում», հիմա, կարծեմ, Չինաստանում է:
- Ճի՞շտ է, որ դուք վազորդ կլինեիք, եթե ֆուտբոլիստ չդառնայիք:
- Ոչ, դա ճիշտ չէ: Դա իմ մասին չէ:
- Դուք Հայաստանում տարվա լավագույն ֆուտբոլիստ եք ճանաչվել 2009-ին և 2011-ից 2017 թվականներին: Ի՞նչ էր պատահել 2010-ին:
- Նրանք պարզապես փոխել էին կանոնակարգը և պարգևատրում էին միայն Հայաստանի առաջնությունում հանդես եկող ֆուտբոլիստներին:
- Ճի՞շտ է, որ ձեր մանկության երազանքն իրավաբան դառնալն էր:
- Այո, դա իմ երազանքներից մեկն էր: Բայց դրա համար դեռ ուշ չէ: Ֆուտբոլային կարիերայից հետո, միգուցե, աշխատեմ որպես իրավաբան: