Միացյալ Թագավորության խորհրդարանական Մարկ Փրիթչարդը նշանակվել է Առևտրի հարցերով հանձնակատար Հայաստանում և Վրաստանում
Միացյալ Թագավորության վարչապետ Թերեզա Մեյը խորհրդարանի անդամ Մարկ Փրիթչարդին նշանակել է Միացյալ Թագավորության Առևտրի հարցերով հանձնակատար Հայաստանում և Վրաստանում։
Առևտրի հարցերով հանձնակատարները վարչապետ կողմից նշանակված խորհրդարանականներ են՝ ընտրված քաղաքական սպեկտրի տարբեր ներկայացուցիչներից: Նրանք զբաղվում են մեկ կամ ավելի նորահայտ շուկաներով, որոնցում ՄԹ կառավարությունն առեւտրային և ներդրումային հնարավորություններ է տեսնում:
Առևտրի հարցերով հանձնակատարները աջակցում են տնտեսական աճի խթանմանը՝ հիմնվելով ՄԹ-ի և այդ շուկաների միջև առկա հարաբերությունների վրա և առավելագույնի հասցնելով երկկողմանի առեւտուրը:
Պարոն Փրիթչարդն իր նշանակման առթիվ ասել է. «Ես պատիվ եմ ունեցել ստանալու Վարչապետի հրավերը՝ ստանձնելու ՄԹ Առեւտրի հարցերով առաջին հանձնակատարի դերը Հայաստանում և Վրաստանում։ Իմ նշանակումն ընդգծում է Վրաստանի և Հայաստանի հետ ՄԹ առեւտրի և ներդրումների խթանման կարեւորությունը և Նորին Մեծության կառավարության հանձնառությունը մեր երկրների միջև առեւտրային և գործարար ձեռքբերումների խթանման քաղաքականությանը։ Առկա են առևտրի և ներդրումների շատ հնարավորություններ, որոնք հարկ է իրացնել»։