Սուբյեկտ չի, հարգանքով խոսեք տիկին Բախշյանի մասին. լրագրողները Վ. Մկրտչյանին
Այսօր՝ Խորհրդարանում լրագրողների հետ զրույցի ժամանակ ՀՀԿ-ական ԱԺ պատգամավոր Վահրամ Մկրտչյանը խոսելով երեկ Երևանի ավագանիում տեղի ունեցած դեպքից Անահիտ Բախշյանին սուբյեկտ անվանեց:
Լրագրողների այն հարցին, որ կրթության փորձագետ Անահիտ Բախշյանը նախաձեռնություն է սկսել, որով պահանջում է ԿԳ նախարար Լևոն Մկրտչյանի հրաժարականը: Այս նախաձեռնությունից նախարարությունում մտահոգված են թե ոչ, նա պատասխանեց.
«Դուք ասացիք կրթության փորձագետ, ես նման մարդ չեմ ճանաչում, որ կրթության ոլորտի փորձագետ լինի ձեր նշած սուբյեկտը, այդպիսի ավագանու անդամ ճանաչում եմ և բոլորս քաջատեղյակ ենք, որ այդ սուբյեկտը բոլորովին վեջերս ազատվեց կրթության ազգային ինստիտուտի փոխտնօրենի պաշտոնից»:
Ի պատասխան նրա խոսքերին լրագրողները նշեցին, որ տարիքն էր մեծ և նաև ուղղեցին պատգամավորին, որ տիկին Բախշյանը սուբյեկտ չի՝ հորդորելով հարգանքով արտահայտվել:
Նա հակադարձեց, որ ինքը սուբյեկտ է ասում ընդամենը, իսկ դա լուրջ հասկացություն է:
Նրան ի պատասխան լրագրողները նշեցին, որ ձեզ դուր կգար եթե ձեր մասին նման կերպ արտահայտվեն: