Երկորյակ քույրերն աստիճանաբար քարի են վերածվում. որն է պատճառը
Հյուսիսային Իռլանդիայում երկու երկորյակ քույրերը տառապում են հազվադեպ հանդիպող գենետիկ հիվանդությամբ, որը հանդիպում է երկու միլիոն մարդուց մեկի մոտ: Այս մասին հայտնում է «Life.ru»-ն:
Այս հիվանդությամբ՝ ֆիբրոդիսպլազիայով, տառապող մարդկանց մարմինների տարիների ընթացքում քարանում են:
Զոյ Բաքսթոնն ու Լյուսի Ֆրեթվելլը 26-ամյա քույրեր են, ովքեր հիվանդությամբ տառապող 800 մարդկանցից են: Նրանք աստիճանաբար կորցնում են քայլելու կարողությունը, քանի որ իրենց մկանները խառնվում են ոսկրային հյուսվածքներին:
Բրիտանական «Metro» թերթին հայտնի է դարձել, որ աղջիկները հիվանդությամբ տառապում են մանուկ հասակից: Երկուսն էլ ծնվել են ոտքի մատերի փոխարեն ոսկրային մասով, ինչը ֆիբրոդիսպլազիայի առաջին նշանն է: Այդ ժամանակ բժիշկները դրան որևէ նշանակություն չէին տվել:
Նրանք բժշկական օգնությանն են դիմել 8 տարեկանում: Զոյն ընկել էր բազմոցից և կոտրել արմունկը: Այդ ժամանակ բժիկները հայտնաբերել և հայտնել էին ծնողներին հիվանդության մասին: Վերջիններս որոշել էին դա գաղտնի պահել:
Քանի որ տարիների ընթացքում շրջակա միջավայրում հնարավոր հարվածներն ավելանում էին, իսկ աղջիկների շարժվելու կարողությունը նվազում, վերջիններս հասկացան որ հիվանդ են: Այժմ Զոյը տեղաշարժվում է հենափայտերի օգնությամբ և երազում երեխա ունենալու մասին, սակայն վախենում է, քանի որ 50 տոկոս հավանականությւոն կա, որ երեխան կժառանգի մոր հիվանդությունը: Զոյն ու իր ամուսինը՝ Մայքլը, մտադիր են երեխա որդեգրել:
Ներկայումս երկու աղջիկներն էլ տարբեր փորձեր են տանում Լոնդոնում, որոնք կօգնեն հայտնաբերել իրենց կյանքն առավել թեթևացնող դեղամիջոց: