Կներե՛ք, ես չեմ կարող գնալ ՀԱԿ-ում 7-րդ համարը դառնալ. Հրանտ Բագրատյան
Ինչպես արդեն հայտնել էինք, այսօր լրագրողների հետ հանդիպման ժամանակ«Ազատ դեմոկրատների» ցուցակով խորհրդարանական ընտրություններին մասնակցող «Հանրապետություն» կուսակցության նախագահ Հրանտ Բագրատյանը խոսել է ներքաղաքական իրավիճակի, առաջիկա ընտրությունների և դաշինքների մասին:
Անդրադառնալով ընտրակեղծիքներին` նա, նշեց, որ իրենք արդեն ընտրակեղծիքների ահազանգեր են ստացել:
Նրա խոսքով` իրենք ահազանգեր ունեն, որ մարդկանց նաև այլ վայրերում են գրանցել, հեռախոսներ են բաժանել, բայց նա հրաժարվեց քաղաքական ուժի անունը տալ:
«Ահազանգ ունենք, որ մոտեցել են մարդուն ու ասել, որ այսքան փողը քեզ չէր խանգարի: Փաստեր կա, որ հեռախոս են խոստացել: Հրաման կա կաշառելու մինչև ընտրություններ, ժողովուրդ ջան, ձեր ցավը տանեմ ես Քրիստոսը չեմ, ոչ ոք Քրիստոստը չի, բացի Քրիստոսից: Այ ձեր ցավը տանեմ, ախր ժողովուրդը չպիտի վերցնի, մենք ի՞նչ անենք, լավ: Մի քիչ մթնոլորտ ստեղծեք այ ձեր ցավը տանեմ, էս երկիրը կկորի»,- պնդեց նա և հավելեց,- «Միակ երկիրն է: Իրանում կաշառքով չի, Թուրքիայում, Վրաստանում կաշառքով չի՝ այս երեք տեղը դեմոկրատական ընտրություններ են, իսկ Ադրբեջանն էլ մոլոդեց, վաբշե դեմոկրատական չի անում, ընդհանրապես ասում ա ընտրություն չլինի: Ավելի լավ ա տենց անենք, ում որ պետք ա դնենք թագավոր՝ ասենք էլ ընտրություն չկա: Դա ավելի լավ ա, քան այս վիճակը»:
Անդրադառնալով դաշինքներին, Հրանտ Բագրատյանը նշեց, որ դեռևս 2016 թվականին, նա համագործակացության առաջարկով դիմել է գրեթե բոլոր ուժերին, հանդիպել է գրեթե բոլոր ուժերի առաջնորդներին` սկսած ՀՀ առաջին նախագահ Լևոն Տեր- Պետրոսյանից:
«2016 թվականի փետրվարին դիմել եմ 6 կուսակցությունների: Ասել եմ` եկե՛ք վիճակահանությամբ ամեն մեկս 100 հազար դոլար դնենք, որ նախագահից փող չուզենք: Հանիդպել ենք Լևոն Զուրաբյանի և Լևոն Տեր-Պետրոսյանի հետ: Ասել են, քանի որ մենք մեծ ենք, երեք հոգի ձեզնից, մի հոգի մեզնից: Ասի որ չի լինի, տղե՛րք: «Ժառանգություն»-ն ասել է, թե համագումարից հետո մենք ձեզ կպատասխանենք՝ չի պատասխանել: Սա կուլտուրայի տեսանկյունից է անթույլատրելի: Չեմ կարծում, որ իրենք էնքան մեծ բան են ներկայացնում, որ նախկին վարչապետին չպատասխանեցին: Կներե՛ք, ես չեմ կարող գնալ ու ՀԱԿ-ում յոթերոդ համարը դառնալ, քանի որ բացի առաջին նախագահից ոչ մեկին չեմ տեսնում, որ ինձանից առավել լինի»,- պնդեց նա:
Նա նաև ընդգծեց, որ հանդիպում է ունեցել նաև Նիկոլ Փաշինյանի հետ, սակայն, կրկին պատասխան չեն տվել:
Հրանտ Բագրատյանը նաև ասաց, որ «Ազատ դեմկորատներ»-ի հետ պայմանավորվել են, որ ցուցակը կգլխավորի Խաչատուր Քոքոբելյանը, սակայն հետագայում ԱԺ խմբկացությունը կղեկավարի ինքը: