ՀՀԿ-ական պատգամավորի անդրադարձը՝ ՀԷՑ-ի թանկացումներին, Սյունիքի մարզպետի դեպքերին

Աժ մայիսի 21-ի ճեպազրույցների ժամին ԱԺ ՀՀԿ խմբակցությունը ևս հայտնեց իր մտաահոգությունը էլեկտրաէներգիայի սակագնի 17 դրամով բարձրացման հետ կապված: «Հոսանքի սակագնի բարձրացումը ոչ միայն կվնասի քաղաքացուն, այլև տնտեսությանը։

Հարցը մտահոգում է բոլորիս, քանզի հոսանքի սակագնի թանկացումը ոչ միայն կբերի սպառման ծավալների նվազման, այլև բացասական ազդեցութուն կունենա տնտեսական ակտիվության վրա, ինչը մտահոգում է բոլորիս: Թեև հարցը մտահոգիչ է, միևնույն է, ՀՀԿ-ն չի միանա հոսանքի սակագնի դեմ կազմակերպված ակցիային: Մենք մտահոգիչ հարցերը միտինգով չենք լուծում, մենք արդեն իսկ քննարկման ենք հրավիրել Հանրային ծառայությունները կարգավորող հանձնաժողովի նախագահին, և նա կգա քննարկման այն ժամանակ, երբ վերջնականապես ծանոթանա ՀԷՑ-ի հիմնավորումներին: ՀԷՑ-ի հայտը սակագնի բարձրացման համար հիմք չի կարող լինել, մինչև Հանրային ծառայությունները կարգավորող հանձնաժողովը չուսումնասիրի այն»,- ասաց Գագիկ Մելիքյանը:

Անդրադառնալով ԱԺ-ում Սեյրան Սարոյան-Զարուհի Փոստանջյան փոխադարձ վիրավորանքներին` նշեց, որ նման թեժ քննարկումներ լինում են բոլոր պետություններում։ Նա նաև նորմալ է գնահատում Սյունիքից ընտրված պատգամավոր Հայկ Գրիգորյանի պահվածքը, ով այսքան ժամանակ ԱԺ-ում բացի քվեարկելուց, ոչինչ չէր արել, սակայն երբ հերթը հասավ Սուրիկ Խաչատրյանին, ակտիվացավ։