Աբովյանցու երբեմնի հպարտ կեցվածքը պետք է վերականգնվի. Աբովյանի քաղաքապետի թեկնածու Էդվին Թադևոսյան
Ինչպես հայտնի է Աբովյանում հունիսի 7-ին պետք է տեղի ունենան Աբովյանի քաղաքապետի արտահերթ ընտրություններ: Operativ.am-ը բացառիկ հարցազրույց է ունեցել Աբովյանի քաղաքապետի թեկնածուներից՝ ինքնաառաջադրված Էդվին Թադևոսյանի հետ:
-Հաջողակ գործարար լինելով, ինչո՞ւ որոշեցիք ինքնաառաջադրվել Աբովյանի քաղաքապետի թեկնածու:
Ինձ համար Աբովյանի քաղաքապետ ընտրվելն ինքնանպատակ չէ: Ինքս լինելով աբովյանցի, քաջատեղյակ եմ քաղաքի խնդիրներին և նպատակ եմ դրել անել ամեն բան, որպեսզի աբովյանցու երբեմնի հպարտ կեցվածքը վերականգնվի: Աբովյանցին իր կամքով պետք է ընտրի իր քաղաքապետին, որպեսզի քաղաքապետն էլ հաշվետու լինի աբովյանցուն, այլ ոչ թե այլ ուժերին:
-Հաշվի առնելով, որ Ծառուկյանը և իշխանությունները սատարում են այլ թեկնածուի, ինչպես նաև, որ Աբովյանում ստեղծվել է վախի մթնոլորտ, մասնավորապես դպրոցներում, մանկապարտեզներում և պետական այլ հաստատություններում աշխատողներին ահաբեկում են և ստիպում աշխատել ի օգուտ իրենց թեկնածուի: Ի՞նչ քայլեր եք Դուք ձեռնարկելու այդ անարդարությունների դեմ պայքարելու համար:
Մենք ունենք հզոր թիմ, ուժ, կամք և վճռականություն, որի շնորհիվ կարող ենք հասնել հաջողության և աբովյանցու համար կապահովենք բարեկեցիկ կյանք՝ առանց վախի մթնոլորտի: Յուրաքանչյուր աբովյանցի իրեն վստահ և հպարտ կզգա, որ ինքն աբովյանցի է, քանի որ իր ընտրությունն իր խղճի թելադրանքով է կատարել:
-Ինչպե՞ս եք գնահատում Ձեր հաղթանակի շանսերը:
Բնականաբար բարձր: Միանշանակ հաղթելու եմ, քանի որ աբովյանցին փոփոխությունը տեսնում է մեր թիմի մեջ: