Վահե Պետրոսյանը՝ տրանսպորի բարելավմանն ուղղված իր նոր ծրագրի մասին
Այսօր լրագրողների հետ հանդիպման ժամանակ գործարար Վահե Պետրոսյանը ներկայացրեց տրանսպորտային միջոցների բարելավմանն ուղղված իր նոր ծրագիրը: Ծրագիրը հետևյալն է. մարդատար մեքենաների վրա վազող տող տեղադրել, որի վրա նշված կլինի երթևեկության ուղին, նստատեղերի քանակը և սակագինը:
«Սրա նպատակն այն է, որ մեքենաները դառնան հանրային: Եթե մարդատար մեքենաների վրա վազող տող տեղադրվի, վրան կնշվի թե որ ուղղությամբ է գնում մեքենան, ինչ սակագին ունի և քանի նստատեղ կա»,-նշեց բանախոսը:
Ինչ վերաբերում է սակագներին, ապա ըստ բանախոսի՝ մարզերում այն կկազմի 300-500 դրամ, իսկ քաղաքում 200 դրամ:
Գործարարը նշեց, որ ինքը մի քանի ամիս գործածել է սարքը և առաջարկեց փորձնական 3000 սարք տեղադրել և տեսնել երեք ամսվա կտրվածքով ինչպես դրանք կաշխատեն: Ինչ վերաբերում է պատկան մարմիններին դիմելուն, ապա բանախոսը նշեց, որ առաջին քայլը լրատվամիջոցներին օգնությամբ հանրությանը իրազեկելն է եղել, իսկ հաջորդիվ հավանաբար կդիմի ՀՀ տրանսպորտի նախարարությանը:
Վարդուհի Ստեփանյան