Թաթուլ Մանասերյանը գնաճը երկու տեսանկյունից է դիտարկում
Operativ.am-ը զրուցեց տնտեսագետ Թաթուլ Մանասերյանի հետ՝ 2012-ին գրանցված գնաճի մասին:
-Ես երկու հարթության վրա կդիտարկեմ գնաճը. առաջինը՝ սննդամթերքի գները համաշխարհային շուկայում թռիչք են արձանագրել և դա բնականաբար չէր կարող չանդրադառնալ Հայաստանի տնտեսության վրա, երկրորդը՝ ինչ վերաբերում է հագուստեղենին և այլն, մենք այդ ապրանքները ներմուծում ենք այլ երկրներից, ուստի գնաճը կապված է մաքսային ծառայությունների խնդիրների հետ,- նշեց տնտեսագետը:
Մանասերյանի խոսքով`Հայաստանի տնտեսությանը ամենաշատ սպառնացողը առաջին անհրաժեշտության ապրանքների գնաճն է. «Ընդհանուր առմամբ պետք է ձգտել նրան, որ առաջին անհրաժեշտության ապրանքների գները մի քիչ ավելի զուսպ լինեն, այդ առումով` մեր գնահատականներով սոցիալական զամբյուղի վարած դրամավարկային քաղաքականությունը բավարար չափով գործունեություն է ծավալում գնաճը զսպելու համար»:
Հացամթերքի գնաճում Մանասերյանը նշեց, որ կան օբյեկտիվ և սուբյեկտիվ պատճառներ. «Համաշհարհային շուկայում, ճիշտ է, անկում արձանագրվել է այս ոլորտում, բայց ընդհանուր առմամբ`վերջին երեք տարիներին, եթե հաշվի առնենք, որ շատ երկրներում անբարենապաստ պայմաններ են եղել, ինչպես` երաշտ, այլ երկրներից հացահատիկի արտահանումը կրճատվեց, միաժամանակ պետք է հաշվի առնել հետևյալ հանգամանքը`եթե Հայասատանում ամեն ինչ լավ կազմակերպվի, ապա հնարավոր է հացահատիկով բավարարել ավելի, քան տեղի պահանջարկն է»: