Operativ.am-ի աստղային զրուցակիցներն ու աղի բլիթը
Operativ.am-ը զրուցեց շոու-բիզնեսի ներկայացուցիչներից մի քանիսի հետ և փորձեց հասկանալ նրանցից ովքեր են աղի բլիթ կերել և արդյոք հավատում են աղի բլիթի առեղծվածին:
Լուլուն, պարզվում է երիտասարդ տարիքում կերել է աղի բլիթ և երազում տեսել է իր ապագա ամուսնուն: Հաղորդավարուհին պատանեկության, երիտասարդության տարիներին հաճախակի էր աղի բլիթ ուտում: Եվ մի գիշեր էլ տեսավ երիտասարդ, համակրելի երիտասարդի, ում դեմքը Լուլուին տեսնել այդպես էլ չհաջողվեց: Բայց դա միայն երազում. իրականում, երբ տեսավ իր ապագա ամուսնուն' Վահագնին, հասկացավ, որ այդ երիտասարդը այն նույն երիտասարդն էր, ում տեսել էր երազում' նիհար, բարձրահասակ, հմայիչ:
Աղի բլիթի սովորույթի ևս մեկ «սիրահար» էլ կարելի է համարել Ավետ Բարսեղյանին: Ավետն օգտվելով առիթից' նախ շնորհավորեց սիրո բարեխոս Սուրբ Սարգսի տոնի առթիվ և ասաց, որ ամեն տարի ուտում է աղի բլիթ: Տոնին, որպես այդպիսին, Ավետը շատ մեծ նշանակություն չի տալիս, բայց ավանդույթը նրա համոզմամբ, գեղեցիկ է և կարևոր է այն պահպանելը: Իրեն ծանոթ աղջիկների Ավետը երազում տեսել է, սակայն նրանցից և ոչ մեկը չի դարձել նրա կյանքի երկրորդ կեսը:
«Ամենաանհավատ» աստղ էլ համարում ենք Հայկոյին, ով երբևէ աղի բլիթ չէր կերել և տոնը համարելով հեքիաթային, հավատ չէր ընծայում տոնին: Իսկ հարցին, թե տեղյա՞կ է արդյոք' Անահիտն իրեն տեսե՞լ է երազում, Հայկոն պատասխանեց, որ «եթե Անահիտը կերած լինի, ինձ տեսած կլինի»: Մի փոքր ավելի երկար մտածելուց հետո ասաց. «Եթե կերել է, ինձ է տեսել, հաստատ»: