Հնագետները Իզնիկում հայտնաբերված սարկոֆագում 2500-ամյա վաղեմության սիրային նամակ են գտել

Իզնիկը հնագույն բնակատեղի է, որտեղ ապրել են տարբեր քաղաքակրթություններ՝ շնորհիվ բերքատու հողերի, առեւտրային ճանապարհների եւ բազմաթիվ այլ պատճառների։ Հնագույն Նիկեան, այժմ՝ Իզնիկ, ֆերմերների քաղաք է՝ շրջապատված միջնադարյան զանգվածեղ պատերով, այն գտնվում է Յալովայից հարավ-արեւելք, մեծ լճի ափին։ Այստեղ տեղի են ունեցել քրիստոնեական երկու մեծ ժողովները. 1-ինը՝ 325 եւ և-րդը՝ 787 թվականներին։ Յոթերորդ ժողովը տեղի է ունեցել Սուրբ Սոֆիայի տաճարում, որը գտնվում է քաղաքի հենց կենտրոնում։

Իզնիկ պատմական քաղաքը, որը եղել է չորս քաղաքակրթությունների մայրաքաղաք եւ հավակնում է ներառվել ՅՈւՆԵՍԿՕ-ի ցուցակում, պատրաստվում է Իզնիկի հնագիտական թանգարանի բացմանը եւ հնագույն նմուշների հատուկ ցուցահանդեսների անցկացմանը։

Թանգարանը գրավել է տեղի եւ օտարերկրյա շատ զբոսաշրջիկների ուշադրությունն իր նմուշներով, որոնք 5000-ամյա պատմություն ունեն։ Մասնավորապես, ամբողջ աշխարհում հատուկ հետաքրքրություն է առաջացնում հնագույն նամակը՝ փորագրված Անտիգոն 1-ինի՝ Ալեքսանդր Մակեդոնացու զորավարներից մեկի սարկոֆագի վրա։

2500-ամյա վաղեմության հուզառատ նամակը, որը թարգմանել են փորձառու հնագետները, բացահայտում է վիշտը Անտիգոն 1-ինի մահվան առիթով։

«Ես՝ տխուր Արետաս, ամբողջ հոգով եւ մարմնով ոգեկոչում եմ Անտիգոնին գերեզմանից։ Ես մազերս եմ պոկում վշտից եւ լալիս եմ։ Դժբախտություն, մահ՝ այս նշանավոր մարդուն ազատ արձակելու փոխարեն, նա ինձ գերության մեջ էր պահում»,- վկայում է փորագրությունը։

Իզնիկի հնագիտական թանգարանի հիմքը դրվել է 2020թ.։ Շինարարության ավարտից շատ չանցած նախատեսված է թանգարանի բացման արարողությունը, որն, անշուշտ, Եվրոպայի ամենանշանավոր թանգարաններից մեկը կդառնա՝ իր հարուստ տվյալներով եւ հնագույն նմուշներով, որոնք նեոլիթի դարաշրջանին են պատկանում։

Թանգարանում կան նաեւ հռոմեական դարաշրջանի մարմարե սեղանի խաղ, հույն հերոս Աքիլլեսի սարկոֆագը՝ փորագրություններով եւ Անտիգոն 1-ինի ու նշանավոր ընտանիքների անդամների սարկոֆագները՝ շլացուցիչ փորագրություններով։