ՆԱՏՕ-ի սպառազինությունների պաշարը Ուկրաինայում պատերազմի պատճառով սպառվում է

ՆԱՏՕ-ի սպառազինությունների պաշարը Ուկրաինայում պատերազմի պատճառով սպառվում է։ Այս մասին հայտարարել է դաշինքում ԱՄՆ մշտական ներկայացուցիչ Ջուլիանա Սմիթը, տեղեկացրել է Newsweek-ը։

«Սա շատ լուրջ խնդիր է ինչպես ՆԱՏՕ-ի գծով դաշնակիցների, այնպես էլ հենց ուկրաինական զինված ուժերի համար, որոնք բախվում են պաշարների դեֆիցիտի եւ կրճատման խնդրին»,- ասել է Սմիթը։ Նրա խոսքով՝ սուբյեկտների եւ կազմակերպությունների միրիադաները ջանքեր են գործադրում պաշարներն ավելացնելու ուղղությամբ։

Դրանց մի մասը կապված է Ուկրաինայի պաշտպանության Կոնտակտային խմբի (UDCG) հետ, որի ջանքերը՝ ԱՄՆ գլխավորությամբ, ուղղված են 50 երկրների օգնության համակարգմանը, որոնց մի մասը ՆԱՏՕ-ի անդամ չէ։ Սմիթը նշել է, որ իրենք հանդիպում են ամեն ամիս եւ հրավիրում ռազմական արդյունաբերության ներկայացուցիչներին՝ «փորձելով պարզել, թե ինչպես կարող են ճիշտ ազդանշաններ ուղարկել արդյունաբերությանը, որպեսզի վստահություն հաղորդեն նրանց, որն անհրաժեշտ է արտադրագծերի վերականգնման համար»։

Հունիսին Բրյուսելում UDCG երրորդ նիստի ժամանակ ԱՄՆ պաշտպանության նախարար Լլոյդ Օսթինն ազդարարել էր Կոնգրեսի կողմից Ուկրաինային անվտանգության ոլորտում 40 մլրդ դոլարի օգնություն հատկացնելու մասին։

Նոյեմբերին Օսթինը եւ Շտաբների պետերի միավորված կոմիտեի նախագահ, բանակի գեներալ Մարկ Միլին հանդիպել էին 50 երկրների եւ կազմակերպությունների հետ UDCG յոթերորդ նիստի շրջանակում։ Հանդիպմանը հայտարարվել էր լրացուցիչ սպառազինությունների՝ 287 մլն դոլար օգնության մասին Շվեդիայի կողմից, Hawk հրթիռային մարտկոցների եւ հթրիռների մասին Իսպանիայից, ինչպես նաեւ 500 մլն դոլար օգնության մասին Կանադայից։

Նույն ամսին ՆԱՏՕ-ի անունը չնշած ներկայացուցիչը Foreign Policy ամսագրին տեղեկացրել էր, որ «հիմա բոլորը բավական անհանգստացած են» սպառազինությունների պաշարների կրճատմամբ։

«ՆԱՏՕ-ն իրականում չի նախատեսում այդպիսի պատերազմներ վարել, եւ այդ ասելով ես հասկանում եմ պատերազմներ հրետանային համակարգերի եւ մեծ քանակությամբ տանկերի ու հրետանային արկերի գերինտենսիվ օգտագործմամբ պատերազմները»,- ասել է Գործարարության ամերիկյան ինստիտուտի ավագ գիտաշխատող Ֆրեդերիկ Կագանը։ «Մենք երբեք նման պատերազմի համար պաշարներ չեք ունեցել ամենասկզբից»։

«Այդ ջանքերը կենտրոնացած են ՆԱՏՕ ամբողջ դաշինքում պաշարների կրճատման վրա, օրինակ՝ այնպիսի երկրի հանդեպ, ինչպիսին Էստոնիան է, որն Ուկրաինային հսկայական օգնություն է ցուցաբերել անվտանգության ապահովման ոլորտում»,- նշել է Սմիթը։ «Նրանք բախվել են որոշ շատ իրական դեֆիցիտի, եւ ոչ միայն նրանք։ Մենք դա տեսնում ենք ամբողջ դաշինքում»։

Էստոնիայի արտաքին գործերի նախարար Ուրմաս Ռեյնսալուն Newsweek-ի հարցազրույցում անցած շաբաթ նշել է, որ ՆԱՏՕ-ի գծով դաշնակիցները պետք է ավելացնեն զենքի մատակարարումներն Ուկրաինա, որպեսզի ապահովեն Կիեւի լիակատար հաղթանակը։ «Մենք պետք է փոխենք այս պատերազմի ընթացքը»,- ասել է Ռեյնսալուն։ «Միակ միջոցը ներկա պայմաններում, որով մենք կարող ենք անել դա, առանց որեւէ վերապահման սովորական սպառազինությունների նոմենկլատուրան զգալիորեն ավելացնելն է»։

Սմիթի խոսքով՝ ՆԱՏՕ-ն նաեւ շփման մեջ է Եվրամիության հետ։ «Այստեղ գլխավորը միացնող հյուսվածքը գտնելն է, եւ համոզվելը, որ ԵՄ-ն եւ ՆԱՏՕ-ն շփվում են միմյանց հետ այս ջանքերի մի մասում»,- նշել է նա։