Կդիմանա՞ արդյոք Լիզ Թրասը. Bloomberg

Լիզ Թրասն ընդամենը հինգ շաբաթ է, ինչ վարչապետ է, բայց շատերն են կասկածում, թե արդյոք նա կկարողանա դիմանալ մեկ տարի, էլ չենք ասում այն մասին, որպեսզի բրիտանացի պահպանողականներին տանի դեպի հաջորդ համընդհանուր ընտրություններ, որոնք պետք է կայանան 2025թ. հունվարին, գրել է Bloomberg-ը։

Նա արդեն ստիպված է եղել չեղարկել իր գլխավոր խոստումը ամենահարուստների համար եկամտահարկը նվազեցնելու մասին, եւ նրա պաշտոնյաները հիմա փորձում են հասկանալ, թե ինչպես կարող են չեղարկել նրա՝ Մեծ Բրիտանիայի տնտեսության կապիտալ նորոգման պլանի այլ մասերը, պլան, որն առաջ է բերել ցնցումներ ֆինանսական շուկաներում։

Շատ քաղաքական գործիչներ նրա կուսակցությունում ասում են, որ Թրասի տնտեսական նախագիծն ավարտվել է դեռ չսկսված։ Բայց կարելի՞ է արդյոք նրան այդքան արագ հեռացնել Բորիս Ջոնսոնի հեռանալուց հետո։

Որքանո՞վ է ամեն բան այդքան վատ

Ամեն բան չափազանց լուրջ է։ Մթնոլորտը պահպանողական պատգամավորների շրջանում տենդագին է, ուղեգծի լիակատար փոփոխության պահանջներն ուժգնանում են։ Բայց Թրասը տարիներ շարունակ կոչ է արել վերափոխել Մեծ Բրիտանիան փոքր պետության՝ ցածր հարկերով, եւ իշխանության է եկել՝ խոստանալով իրականացնել դա։ Եթե նրա պատգամավորները չեն կարող մարսել սա, իսկ հարցումները ցույց են տալիս, որ ընտրողները՝ նույնպես, ապա ի՞նչ իմաստ ունի նրան պահել Դաունինգ սթրիթ 10-ում։

Սա առաջին պլան է մղում ղեկավարության փոփոխության հարցը։ Որոշ պատգամավորներ կարծում են, որ ավելի լավ է հրաժարվել Թրասից որքան հնարավոր է շուտ, մինչեւ էլ ավելի մեծ վնաս հասցնելը, հատկապես նրանց, ովքեր հետեւում են պարտատոմսերի շուկաներում տիրող անկարգություններին եւ թորիների պատկերացումների կործանմանն իրենց մասին՝ որպես տնտեսության բանիմաց կառավարիչների։

Առաջնորդ փոխելը դժվար է։ Անգամ որոշ պահպանողականներ, որոնք հանդես են գալիս նրա դեմ, կարծում են, որ դա առաջ կբերի էլ ավելի շատ ծաղրուծանակ ընտրողների շրջանում։ Հաշվի առնելով քննադատությունն այն առիթով, որ թորիները մանդատ չունեն նրա տնտեսական տեսլականի հանդեպ, գլխավոր վախն այն է, որ նոր ղեկավար դնելու համար անխուսափելիորն կպահանջվեն արտահերթ համընդհանուր ընտրություններ։

Հանրային կարծիքի հարցումները ցույց են տալիս, որ դա կհանգեցնի պահպանողականների պարտությանն ընտրություններում, Քեյր Սթարմերի Լեյբորիստական կուսակցությունը մշտապես առաջինն է վերջին հարցումներում։ Կարծիքները բաժանվել են այն բանի հետ կապված, թե ինչ է սա նշանակում. պաշտպանե՞լ Թրասին՝ մեղմելով նրա առաջարկները, թե՞ համարձակվել եւ նոր ղեկավար ունենալ եւ հուսալ, որ իրենք կկարողանան հետաձգել համընդհանուր ընտրությունները որքան հնարավոր է երկար ժամանակով։

Կկարողանա՞ն արդյոք թորիները ազատվել նրանից հիմա

Այո։ Կուսակցական կանոնները պետք է նշանակեն, որ Թրասը տեսականորեն անխոցելի է մեկ տարվա ընթացքում։ Բայց քաղաքական իրողությունները դրությունը փոփոխական են դարձնում, եւ կանոնները կարող են փոխվել կես օրում, եթե պատգամավորների բավարար թվաքանակ համոզի 1922թ. կոմիտեի ղեկավարությանը, որն ուղղորդում է առաջնորդության հարցերը, անել դա։

Չնայած որոշ պատգամավորներ հայտարարել են, որ վետերան նախագահ Գրեմի Բրեդիին նամակ են գրել՝ փոփոխությունների կոչով, շատ բան կախված կլինի այն բանից, թե որքանով ճնշումը կհասնի կրիտիկական զանգվածի։ Ներկա պահին դեռ կան որոշ պահպանողական պատգամավորներ, որոնք հրապարակայնորեն հայտարարում են, որ նրան պետք է շանս տալ՝ դրսեւորելու իրեն եւ փոխելու հանրային կարծիքի հարցումների արդյունքները։

Բացի առաջնորդության համար ֆորմալ քվեարկությունից, նախարարների հրաժարականը կարող է հանգեցնել նաեւ Թրասի իշխանազրկման։ Սա այն է, ինչ տեղի ունեցավ Ջոնսոնի հետ հուլիսին, բայց շանսերը մեծ չեն, հատկապես նկատի ունենալով այն, որ Թրասն իր թիմը լցրել է քաղաքական դաշնակիցներով։

Ովքե՞ր են թորիների գլխավոր դավադիրները

Սյուժեն տատանվում է պատգամավորների մասնավոր խոսակցություններից եւ լրագրողների համար ոչ պաշտոնական ճեպազրույցներից մինչեւ կառավարության նախկին խոշոր գազանների հանրային հարձակումների միջեւ, ներառյալ Մայքլ Գոուվը։

Խնդիրը խորացնելու համար պատգամավորները դժգոհում են Դաունինգ սթրիթի կուլտային մոտեցումից, որը լսվում է միայն ներքին շրջանակում։ Թրասը նախաձեռնել է քայլեր, որպեսզի կապվի գործընկերների հետ, բայց հանդիպումն ուղիղ եթերում չորեքշաբթի օրը տհաճ հետեւանքներ ունեցավ, երբ որոշ պատգամավորներ մեղադրեցին նրան կուսակցությունը հեղինակազրկելու մեջ։

Հաջող դավադրությունը, հավանաբար, կպահանջի կոնսենսուս այն բանի վերաբերյալ, թե ով կվերցնի կառավարումը՝ հաշվի առնելով այն, որ պահպանողական պատգամավորները կընդունեն այդ անհրաժեշտությունը, որպեսզի փորձեն թույլ չտալ, որ ընտրությունը հասնի շարքային անդամներին, իսկ այդ պրոցեսը շաբաթներ կտեւի։

Կարո՞ղ է արդյոք Թրասը համընդհանուր ընտրություններ գումարել

Դա կլիներ միջուկային (եւ սակավ հավանական) տարբերակ։ Դրա օգտին է խոսում այն փաստարկը, որ Թրասն ընդունում է, որ անկյուն է քշվել եւ չի կարող իրականացնել տնտեսական ծրագիրը, որով զբաղվել է ողջ քաղաքական կարիերայի ընթացքում։ Եթե թորի պատգամավորները նրան արգելակեն, ինչո՞ւ չփորձել մանդատ ստանալ ընտրողներից։

Բայց թորիների կուսակցությունը պատրաստ չէ ընտրությունների, իսկ Թրասի անձնական վարկանիշը հանրային կարծիքի հարցումներում սարսափելի է։ Ընտրությունների հասնելու փոխարեն նա կարող է որոշել առաջ մղել իր տնտեսական պլանները եւ ստիպել իր պատգամավորներին իրեն մարտահրավեր նետել։ Բայց եթե նա տանուլ տա, ցանկացած դեպքում հավանական են ընտրություններ կամ ղեկավարի փոփոխություն։

Դրանք քնեցնելով արդեն եկամտահարկի հարցում՝ նա ամբողջ ուժով ջանալու է նույնը չանել այլ վիճելի հարցերում։ Խնդիրներ են առաջանում, իսկ ցուրտ ձմեռը էլեկտրաէներգիայի բարձր հաշիվներով եւ սրընթաց բարձրացող տոկոսադրույքներով՝ կարող է Թրասին ու նրա թորիներին էլ ավելի մեծ աջակցության անհրաժեշտության առջեւ կանգնեցնել։

Եթե նա դիմանա մինչեւ գարուն, վատ արդյունքները տեղի ընտրություններում, ամենայն հավանականությամբ, կհանգեցնեն պայքարի Պահպանողական կուսակցությունում նրա տեղի համար»։