ՀԳՀԾ-ի երկրները կոչ են արել զսպվածություն ցուցաբերել Թայվանի շուրջ իրավիճակի կապակցությամբ
Հարավարեւելյան Ասիայի երկրները կոչ են արել զսպվածություն ցուցաբերել Թայվանի շուրջ ստեղծված իրավիճակի կապակցությամբ ԱՄՆ Ներկայացուցիչների պալատի խոսնակ Նենսի Փելոսիի՝ կղզի կատարած սկանդալային այցից հետո, փոխանցում է AFP-ն։
ՀԳՀԾ-ի ներկայացուցիչ, Կամբոջայի փոխարտգործնախարար Կունգ Ֆոակը ասել է, որ դռնփակ բանակցություններին նախարարները մտահոգություն են հայտնել «Թայվանի նեղուցում աճող լարվածության կապակցությամբ»:
«Մենք հուսով ենք, որ բոլոր կողմերն ամեն ինչ կանեն՝ լարվածությունը թուլացնելու եւ խուսափելու գործողություններից, որոնք կարող են սրել լարվածությունը, եւ կզբաղվեն երկխոսությամբ»,- լրագրողներին ասել է Կունգ Ֆոակը:
Մալայզիան եւ Թաիլանդը արձագանքել են հանգստության կոչերին, իսկ Մալայզիայի արտաքին գործերի նախարար Սեյֆուդին Աբդուլահը կոչ է արել բոլոր կողմերին «շատ զգույշ» գործել:
Թաիլանդի արտաքին գործերի նախարարության ներկայացուցիչ Թանի Սանգրատը հայտարարել է, որ թագավորությունը կոչ է անում «ծայրահեղ զսպվածություն» ցուցաբերել եւ չձեռնարկել որեւէ «գործողություն, որը կարող է սրել լարվածությունը»:
Այժմ ուշադրությունը կենտրոնացած կլինի Չինաստանի արտաքին գործերի նախարար Վան Իի եւ նրա ամերիկացի գործընկեր Էնթոնի Բլինքենի վրա, ովքեր կմիանան ՀԳՀԾ-ի եւ մյուս նախարարների հետ տարածաշրջանային անվտանգության բանակցություններին հինգշաբթի եւ ուրբաթ օրը:
Ավելի վաղ Վան Ին Փելոսիի այցը Չինաստանի ինքնիշխանության խախտում էր անվանել «Նրանց մոտ, ովքեր խաղում են կրակի հետ, լավ ավարտ չեն ունենա, իսկ նրանք, ովքեր վիրավորում են Չինաստանին, կպատժվեն»,- նախազգուշացրել է նա։