на Русском
Մեր այս ընթացքը թող դառնա Անմահության երթ, վե... 
էկոնոմիկայի նախարարի մոտ տեղի է ունեցել քաղաք... 
Պուտինը գիտի Ուկրաինայի շուրջ ժամանակավոր միասնությունը. Նայլ Ֆերգյուսոն
Հայտնի պատմաբան Նայլ Ֆերգյուսոնի կարծիքով՝ Միացյալ Նահանգները մեծ մարտավարական սխալ է թույլ տվել Ուկրաինայի պատերազմում, գրում է Focus-ը։
«Որքան երկար է շարունակվում պատերազմը, այնքան դժվարանում է դրան վերջ տալը»,- ասել է շոտլանդացի հայտնի պատմաբան, Հարվարդի համալսարանի պրոֆեսոր, քաղաքական ու պատմական թեմաներով բազմաթիվգրքերի հեղինակ Նայլ Ֆերգյուսոնը:
«Պուտինը ժամանակ «գնեց» իր ռազմավարությունը փոխելու համար եւ Կիեւը գրավելու ու ամբողջ Ուկրաինան օկուպացնելու փոխարեն կենտրոնացավ Դոնբասի վրա։ Այժմ Ռուսաստանը «մաշման պատերազմ» է վարում` առանց հրադադարի»,- ասել է Ֆերգյուսոնը։
Նա նշել է, որ Արեւմուտքի եւ առաջին հերթին ԱՄՆ-ի ապագա աջակցության հարցը մեծ խնդիր է: Ֆերգյուսոնը հիշեցրե է, որ Միացյալ Նահանգները Ուկրաինային տրամադրել է 50 միլիարդ դոլար եւ եւս այդքան կտա հաջորդ տարվա երկրորդ կեսին՝ հարցադրում անելով հաջորդ տարվա վերաբերյալ:
«Պուտինը գիտի, որ Ուկրաինայի պաշտպանության հարցում Արեւմուտքի միասնությունը պիտանիության ժամկետ ունի: Ջո Բայդենի վարչակազմը ոչինչ չի արել այս պատերազմը շուտ ավարտին հասցնելու համար»», - ասել է պատմաբանը։
Նա նշել է, որ ԱՄՆ-ն հույս ուներ, որ Պուտինը կհեռանա կամ նույնիսկ հեղաշրջում կլինի, սակայն հիմա արդեն ուշ է, քանի որ Ռուսաստանն ուժեղանում, իսկ Ուկրաինան թուլանում է: Միաժամանակ, ըստ Ֆերգյուսոնի, Բայդենը կշարունակի բացառել ԱՄՆ-ի եւ ՆԱՏՕ-ի ռազմական միջամտությունը Ուկրաինայում։
Պատմաբանը նաեւ չի հավատում, որ պատժամիջոցների պատճառով Ռուսաստանը կհանձնվի։
«Ես երբեք չեմ հավատացել պատժամիջոցների արդյունավետությանը։ Քանի դեռ Ռուսաստանը կարող է գազ ու նավթ վաճառել, ռուբլին ամուր կմնա, իսկ Ռուսաստանը՝ գոյատեւել», - նշել է Ֆերգյուսոնը եւ հավելել, որ պատերազմին աջակցելու Արեւմուտքի վճռականությունը մինչեւ աշուն կթուլանա. Ուկրաինային կխնդրեն զիջումների գնել եւ կսկսվի երկրի բուն բաժանումը:
