ԱՄՆ-ում մանկապարտեզ ընդունվող ավելի ու ավելի շատ երեխաներ են տառապում ճարպակալմամբ

Չնայած մանկական ճարպակալության մակարդակի նվազման մասին տեղեկություններին, երեխաները, կարծես, ավելի վաղ տարիքում են գիրանում, եզրակացրել են ամերիկացի հետազոտողները:

Հետազոտության արդյունքները հրապարակվել են Pediatrics ամսագրում:

1998-ին մանկապարտեզ ընդունվող երեխաների 73 տոկոսից քիչ պակասն մասն է ունեցել մարմնի զանգվածի նորմալ ինդեքս (ՄԶԻ), 15,1 տոկոսն ունեցել է ավելորդ քաշ, իսկ 12 տոկոսը՝ ճարպակալում:

Սակայն եթե 12 տարի առաջ անցնենք, ապա մանկապարտեզ ընդունվող երեխաների միայն 69 տոկոսն է մարմնի զանգվածի նորմալ ինդեքս ունեցել, ասվում է նոր հետազոտության մեջ:

Մինչդեռ 2010 թվականին մանկապարտեզ ընդունվող ավելորդ քաշ ունեցող երեխաների տոկոսը մնացել է անփոփոխ՝ 1998 թվականի համեմատ, իսկ ճարպակալում ունեցող երեխաների թիվն աճել է մինչեւ 15,3 տոկոս, ցույց է տվել հետազոտությունը: Սա մոտավորապես յուրաքանչյուր յոթերորդ երեխան է:

Հետազոտության շրջանակներում գիտնականները համեմատել են ճարպակալման ցուցանիշները մանկապարտեզից մինչեւ հինգերորդ դասարան երկու ժամանակահատվածում՝ 1998-2004 թվականներին եւ 2010-2016 թվականներին:

Հետազոտությունը ցույց է տվել, որ մանկական ճարպակալման մակարդակն աճել է 2000-ականներին, այն արտահայտվել է ավելի վաղ տարիքում եւ ավելի լուրջ մասշտաբների է հասել, քան 1990-ականներին: