Երևանում ընթանում է Orion Summit 2022-ը. Նախատեսված է 5 պանելային քննարկում

Երևանում, Մատենադարանում, այսօր՝ հունիսի 22-ին, մեկնարկել է Orion Summit 2022 տեխնոլոգիական գագաթնաժողովը, որ առանցքում ստարտափների զարգացման համար կարևոր նշանակություն ունեցող ֆինանսական թեմաներն են։

Գագաթնաժողովի գլխավոր բանախոսն է ներդրումային բանկերի և ֆինանսական խորհդատվության ոլորտում ճանաչված մասնագետ Մարկ Չենյանը: Միջոցառումը բացենին Orion Worldwide Innovations-ի հիմնադիր Էմմա Առաքելյանը եւ Orion Worldwide Innovations Armenia-ի համահիմնադիր Դիանա Արզումանյանը: Նրանք ներկայացրին գագաթնաժողովի նպատակները, հովանավորներին:

Այնուհետեւ բացման խոսքով հանդես եկավ ՀՀ բարձր տեխնոլոգիական արդյունաբերության նախարար Ռոբերտ Խաչատրյանը: Բանախոսներին կմիանա նաև ՀՀ կենտրոնական բանկի նախագահ Մարտին Գալստյանը:

Գագաթնաժողովը կտևի մեկ ամբողջական օր, որին կմասնակցեն տեխնոլոգիաների, ֆինանսների, բիզնեսի, մշակույթի և այլ ոլորտներում միջազգային ճանաչում ունեցող հիմնադիրներ, ներդրողներ, խորհրդատուներ և մասնագետներ: Տեղի կունենա 5 պանելային քննարկում:

1-ին պանելային քննարկում

Գագաթնաժողովի ուղղվածություններից մեկն էկոհամակարգային լուծումների ներկայացումն է ու դրանց ներդրման խրախուսումը հայկական ընկերություններում: Էկոհամակարգային լուծումները հնարավորություն են ընձեռում բիզնեսներին և ֆիզիկական անձանց, անկախ ոլորտից, ներկայանալ ծառայությունների առավել լայն շրջանակով:

2-րդ պանելային քննարկում

Orion Summit 2022-ը մեկ հարթակի վրա կմիավորի գալիք միաեղջյուր ընկերությունների հիմնադիրներին, որոնք կներկայացնեն իրենց հաջողության պատմությունները և մոտիվացնելու երիտասարդ ստարտափ հիմնադիրներին։ BAJ Accelerator-ի ծրագիրը աջակցելու է 10 հայ միաեղջյուր ընկերությունների ճանապարհորդությանը 5-6 տարում:

3-րդ պանելային քննարկում

Առաջին անգամ Orion Summit-ը կներկայացնի Հայկական ստարտափ էկոհամակարգի համախմբման նախաձեռնությունը միաձուլումների եւ կլանումների միջոցով: Նաեւ կքննարկվեն ստարտափերի շատ արագ աճի հնարավոր խթանները:

4-րդ պանելային քննարկում

Գագաթնաժողովի գլխավոր թեմաներից են որպես ստարտափների աճի, հասարակության բարեկեցության ու ապագա միլիոնատերերի «կերտման» խթան, ESOP- աշխատակիցների բաժնետիրացման ծրագրերը: Դրանք աշխատակիցներին խրախուսելու, ոգևորելու և պարգևատրելու լավագույն լուծումներից են։ Հաջող տեխնոլոգիական ստարտափներն իրենց զարգացման դեռևս վաղ փուլում աշխատակիցներին բաժնետիրացնում են՝ սնելով և արագացնելով իրենց աճի ու զարգացման տեմպերը։

5-րդ պանելային քննարկում

Գագաթնաժողովի ընթացքում նախատեսվում է հայտարարել Համահայկական առևտրային, մտավոր, տեխնոլոգիական և մշակութային ուժը համախմբող նախաձեռնության «Թվային Ջուղայի ցանցը»։ Նպատակը կրկին ոտքի կանգնելն է Հայաստանի և հայության տնտեսական և ինտելեկտուալ դիրքավորման հզոր ցանց համաշխարհային մասշտաբով։ Նոր Ջուղայի 300+ տարեկան հայ վաճառականների հզոր ցանցը առևտուր էր իրականացնում Հնդկական օվկիանոսից մինչև Միջերկրական ծով: Թվային Ջուղան նրա էվոլյուցիան է համաշխարհային մակարդակով, որի հիմնական շարժիչ ուժը նորարարությունն է:

Հայաստանում տաղանդներին պահելու և խրախուսելու համար ESOP-ը, որպես գործիք, առանցքային դեր կարող է ունենալ։ Աշխատակիցները, լինելով Հայաստանում, կարող են ունենալ «մայր» ընկերության բաժնետոմսեր կամ դրանց օպցիոններ, հետագայում ընկերության ձեռքբերումների և կլանումների (M&A) կամ հրապարակային թողարկման (IPO) արդյունքում դառնալով միլիոնատերեր։

BAJ Accelerator պորտֆոլիո ընկերությունների կկիսեն