Եթե մենք չստեղծենք կարգին բանակ, պետք է պատրաստ լինենք ադրբեջանցիներին տեսնելու նաև Երևանում և Սևանում. Արա Պապյան. ArmDaily

Ալիևը հիմա էլի ասում է այն, ինչ ասում էր տարիներ շարունակ։ Նա տարիներ շարունակ և Զանգեզուրի, և Սևանի, և Երևանի մասին նույնն էր ասում։ Այս մասին ArmDaily.am-ի հետ զրույցում ասել է քաղաքագետ Արա Պապյանն անդրադառնալով Ալիևի այն հայտարարությանը, թե ադրբեջանական զինված ուժերը չեն հեռանա ՀՀ տարածքից, քանի որ «այն իրենցն են համարում»։

Պապյանն ընդգծեց, որ հիմա ստեղծվել է հնարավորություն Հայաստանից, մասնավորապես, Զանգեզուրից մի հատված վերցնելու ու ինքը դա արել է։ «Արել է՝ ի տարբերություն մեզ։ Երբ մենք ջախջախեցինք ադրբեջանական բանակը և մեր ճանապարհը բաց էր մինչև Բաքու, որովհետև հարթավայր էր, կամ առնվազն մինչև Քուռ-Արաքս կարող էինք հասնել՝ մենք չգնացինք, իսկ իրենք ավելի խելոք են ու հիմա այդ ձևերով ուզում են մեզ պարտադրել և ամրագրել մեր պարտությունն իրավականորեն, իրավական փաստաթղթով։ Հիմա պետք է ակնկալել հետևայալը, երբ կհասկանան, որ իրենք ավելի ուժեղ են՝ ինչ-որ տեղեր առաջ կգան, եթե մենք կարողանանք ուժ հավաքել և հակադարձել՝ բնականաբար, կկարողանանք հետ մղել իրենց, դեռ մի բան էլ կկարողանանք ազատագրել»։

Դիտարկմանը, թե Հայաստանն ունի՞ պոտենցիալ հետ մղելու կամ ռազմական ճանապարհով կանգնեցնելու ադրբեջանական առաջախաղացումը՝ նա պատասխանեց, որ եթե ունենանք կարգին դաշնակից, ինչպիսին են Ֆրանսիան կամ ԱՄՆ-ն, ապա այո։ «Մենք արդեն այս տարվա ընթացքում կունենանք ՆԱՏՕ-ի ստանդարտներին համապատասխան բանակ, թվակազմով ոչ շատ մեծ, բայց լավ զինված ու պարապած, ու մենք կարող ենք, որ միայն Զանգեզուրն ազատագրել, այլ նաև ՀՀ այլ տարածքները հետ բերել, ինչպես, օրինակ, Արցախը և Նախիջևանը։ Եթե չստեղծենք այդ բանակը, իսկ եթե մենք չունենանք կարգին դաշնակից, ապա չենք կարող ստեղծել, իհակե, պետք է պատրաստ լինել նրանց տեսնելու նաև Երևանում և Սևանում։ Իսկ ինչո՞ւ չպետք է տեսնենք, ինչը մեզ պետք է պաշտպանի։ Բազմիցս ասել ենք բոլոր նրանց, ովքեր պնդում էին, որ ադրբեջանցիները Հայաստանի միջազգայնորեն ճանաչված սահմանները չեն կարողա անցնել, 1000 անգամ բացատրեցինք՝ չկա միջազգայնորեն ճանաչված սահման։ Սահմանները ճանաչվում են միայն հարևան երկրների կողմից՝ փոխադարձ պարտավորություններով։ Հայաստանի և Ադրբեջանի միջև չկա որևէ փաստաթուղթ՝ սահմանների հաստատման վերաբերյալ։ Դա այն է, ինչ փորձում է անել Ադրբեջանը, այսինքն, մեզ պարտադրել, դրա համար, եթե կարողանան առաջ գնալ՝ իհարկե, առաջ կգնան »։

Առավել մանրամասն՝ սկզբնաղբյուրում: