Ոգու ամրություն, հուզական կայունություն, լավատեսություն, պահն ապրելու կարողություն․ 100-ն անց մարդիկ բացահայտել են երկարակեցության գաղտնիքները

sunnewsonline.com-ը հրապարակել է 100-ն անց մարդկանց՝ 1915 թվականին ծնված Քլիֆորդ Քրոզիերի, 1913 թվականին ծնված Էմիլիա Թերեզա Հարփերի և 1914 թվականին ծնված Ջոն Միլինգթոն Դեներլիի հետ երկարակեցության գաղտնիքների վերաբերյալ արված հարցազրույցը, որն անցկացրել է Life Hunters-ը:

Այս մարդկանցից յուրաքանչյուրն իր սեփական պատմությունն ունի, սակայն կան ընդհանուր գծեր, որոնցից կարելի է հետևություններ անել։ Հարցազրույցի մասնակիցները երեքն էլ դրական են և ուժեղ, անկախ ժամանակների փոփոխությունից՝ նրանք շարունակում են ապրել։ Հենց այդ ոգու ամրությունն ու հուզական դիմացկունությունն է, որ հավանաբար մեծ դեր է խաղացել նրանց երկարակեցության հարցում։

Հարցազրույցի ընթացքում փորձագետներն առանձնացրել են երկարակեցության մի քանի գաղտնիք․

Հուզական կայունությունն ու լավատեսությունն օգնում են երիտասարդ մնալ

Ավելի քան 100 տարեցների շրջանում անցկացված ուսումնասիրությունը ցույց է տվել, որ նրանց դրական վերաբերմունքն անկասկած օգնել է հոգու խորքում երիտասարդ մնալ, ինչպես նաև նրանց նկատմամբ դրական վերաբերմունքն ու դրական խոսքերն օգնում են ֆիզիկական ուժ ձեռք բերել։ Սա վկայում է, որ միտքն իսկապես ուժ ունի մարմն վրա։ Բայց այս ամենը նաև հակառակ ազդեցություն ունի՝ առողջությունն օգնում է լավ մտքերի ձևավորմանը։

Ճիշտ սննդի օգտագործումը

Սնունդը, որը տանն է պատրաստված, արդեն նորմ չէ, սակայն սնվելու ավանդական մեթոդներն առողջության երկարակեցության լավագույն ուղին են։ Տարեցները նշել են, որ կյանքի ընթացքում հաճախ ծոմ կամ պահք են պահել՝ ուտելով օրական միայն մեկ անգամ, իսկ ճապոնացիների շրջանում տարածված է ուտել այնքան, որ կուշտ լինես 80 տոկոսով միայն։

Ամուր հարաբերություններ, հիանալի հիշողություններ և պահն ապրելու կարողություն

Հարցազրույցին մասնակցած տարեցները երեքն էլ նշել են, որ ամուր և առողջ անձնական հարաբերություններ են ունեցել և հաճելի հիշողություններ ունեն։

Ցկյանս սովորելը կապված է երկարակեցության հետ

Հարցազրույցի մասնակիցները կարևորել են կրթությունը։ Բացի այդ, Հիվանդությունների վերահսկման և կանխարգելման ԱՄՆ կենտրոնի (CDC) Առողջապահության վիճակագրության ազգային կենտրոնի զեկույցում ասվում է, որ մասնագիտական բարձր որակավորում ունեցող մարդիկ հակված են ավելի երկար ապրել, քան ավագ դպրոցը չավարտածները։ Սա, մասամբ, հավանական է, քանի որ կրթված մարդիկ կարող են ավելի լավ աշխատանք ունենալ, ավելի շատ ծրագրել իրենց ապագան կամ ավելի առողջ ապրելակերպ վարել: Այնուամենայնիվ, կյանքի նկատմամբ հետաքրքրություն ունենալը և կրթությունը շարունակելու ցանկություն ունենալը նույնպես դեր են խաղում երկարակեցության հարցում: